လက်ကလေးကို ခုံပေါ်တင်လိုက်တဲ့ အချိန် ဖြူဖြူဖွေးဖွေး အသားအရေလေးနဲ့ လူတိုင်းငေးရမယ့် လက်ပုံစံ ပိုင်ဆိုင်ဖို့ အသားအရေ ထိန်းသိမ်းနိုင်ပါတယ်။ လက်ခုံ ဖွေးဖွေးလေး ရဖို့ ဒီတစ်ခေါက်မှာတော့ ဂျပန်နိုင်ငံသူတွေ လုပ်လေ့ရှိတဲ့ အသားအရေ ထိန်းသိမ်းနည်းကို ဖော်ပြပါရစေ။ ဒီတော့ နည်းလမ်းကို ကြည့်လိုက်ရအောင်နော်-
ဒီ နည်းလမ်းအတွက် လိုအပ်တဲ့ ပစ္စည်း သုံးမျိုးကတော့- သကြား၊ အဖြူရောင် သွားတိုက်ဆေးနဲ့ ပျားရည်တို့ပါ။
၁။ သကြား ၁ ဇွန်းကို ခွက်တစ်ခွက်ထဲ ထည့်ပေးရပါမယ်။ သကြားက လက်ခုံပေါ်က အညစ်အကြေး၊ ဆဲလ်သေတွေကို ဖယ်ရှားပေးနိုင်ပါတယ်။
Photo Source: Cultured Palate
၂။ အဖြူရောင် သွားတိုက်ဆေးကို ကိုယ့်လက် အရွယ်အစားအလိုက် လိုအပ်တဲ့ ပမာဏလောက် ညှစ်ထည့်ပေးရပါမယ်။ သွားတိုက်ဆေးက အသားပိုလင်းလာစေတဲ့ အာနိသင် ရှိပါတယ်။
Photo Source: YouTube.com
၃။ ပျားရည် ၁ ဇွန်း ထည့်ပေးရပါမယ်။ ပျားရည်က အသားအရေ စိုပြေကာ ရေဓာတ်ဖြည့်ပေးနိုင်ပါတယ်။
Photo Source: Byrdie
ဒီသုံးမျိုးကို သေချာ ရောမွှေပေးရပါမယ်။ ပြီးနောက် လက်ခုံပေါ် လိမ်းပေးရပါမယ်။ လိမ်းပြီးနောက် ၅ မိနစ်ထားရပါမယ်။ ၅ မိနစ် ထားပြီးတာနဲ့ ရေဆေးချပေးရပါမယ်။
ဒီနည်းလမ်းကို ပုံမှန် လုပ်ပေးမယ်ဆိုရင် သင့်လက်ကလေး အရင်ထက် ပိုဖွေးလာပါလိမ့်မယ်။ လက်ခုံ ညိုနေတဲ့ ပျိုမေတို့အနေနဲ့ ဖော်ပြပါ နည်းလမ်းကို စမ်းကြည့်သင့်ပါတယ်။ မစမ်းဘဲ ဒီအတိုင်း နေတာထက် စမ်းကြည့်ပြီး ကောင်းမကောင်း သိတာက ပိုသာပါတယ်။
ဒါ့အပြင် မျက်နှာမဟုတ်ဘဲ လက်ခုံ အသားအရေ ဖြစ်တာကြောင့် သင့်အနေနဲ့ အများကြီး စွန့်စားစရာ မလိုပါဘူး။ ပါဝင်တဲ့ ပစ္စည်းတွေကလည်း အိမ်မှာ အလွယ်တကူ ရနိုင်မယ့် ပစ္စည်းတွေ ဖြစ်တာကြောင့် ပျိုမေတို့ သဘောကျမယ့် လက်ဖြူနည်း နည်းလမ်း တစ်ခုပါ။
By MyStyle Myanmar
