ခြေတံရှည်တဲ့ ပျိုမေတို့အတွက် ပေါ့ပေါ့ပါးပါးနဲ့လိုက်ဝတ်လို့ရမယ့် IZ*ONE အဖွဲ့ဝင်ဟောင်း Won Young ရဲ့ဖက်ရှင်များ

Kpop ပရိသတ်တွေအားလုံးပဲမင်္ဂလာပါနော်။ အရပ်ရှည်ရှည်နဲ့ ချစ်စရာအပြုံးလေးတွေပိုင်ဆိုင်ထားတဲ့ လူငယ်အဆိုတော်မလေး Won Young ကတော့ Produce 48 ဆိုတဲ့ Reality Show ပြိုင်ပွဲမှာ ပထမနေရာရယူနိုင်ခဲ့ပြီး IZ*ONE အဖွဲ့ရဲ့ Visual အဖြစ်နဲ့ Center နေရာကနေ ပွဲဦးထွက်နိုင်ခဲ့သူဖြစ်ပါတယ်။
၂၀၀၄ ခုနှစ်မှာမွေးပြီး အသက် ၁၇နှစ်ပဲရှိသေးတဲ့ သူမဟာဆိုရင် ၂၀၁၈ ခုနှစ်ကစပြီး ပွဲဦးထွက်ခဲ့ရာကနေ အခုနှစ်မှာ IZ*ONE အဖွဲ့စာချုပ်ပြည့်သွားတဲ့အတွက် Starship Entertainment နဲ့ဆက်လက်စာချုပ်ချုပ်ထားပြီး လက်ရှိမှာ မော်ဒယ်လ်၊ အဆိုတော်နဲ့ အစီအစဉ်တင်ဆက်သူအဖြစ်နဲ့ Solo Activities တွေကိုဆက်လက် လုပ်ကိုင်နေသူ တစ်ယောက်လည်းဖြစ်ပါတယ်။

ကိုးရီးယားနိုင်ငံရဲ့ အသက်အငယ်ဆုံး Kpop Idol တွေထဲက တစ်ယောက်ဖြစ်တဲ့ Won Young ဟာဆိုရင် အရပ် ၅ ပေ ၆ လက်မအထိရှိတဲ့အပြင် ခြေတံရှည်ရှည်တွေကိုပါ ပိုင်ဆိုင်ထားသူတစ်ယောက်ဖြစ်ပါတယ်။ IZ*ONE ရဲ့အငယ်ဆုံးလေးဖြစ်ပေမယ့် အသက်အရွယ်နဲ့မလိုက်အောင် အရပ်ရှည်တဲ့သူမကိုတော့ ကျော့ရှင်းတဲ့အရပ်နဲ့လိုက်ဖက်ပြီး ချစ်စရာကောင်းအောင် ဝတ်ဆင်တတ်တဲ့သူတစ်ယောက်အနေနဲ့ ပရိသတ်တွေကသတိထားမိကြပါတယ်။

ဒီတစ်ခေါက်မှာ အရပ်ရှည်တဲ့ပျိုမေတို့လိုက်ဝတ်နိုင်မယ့် Won Young ရဲ့ဖက်ရှင်တွေကိုမျှဝေပေးလိုက်ပါတယ်။

အရပ်ရှည်တဲ့သူတွေက ဒေါက်အမြင့်မလိုဘဲ ဒီလို Sneakers နဲ့ Mini Dress လေးတွေတွဲဝတ်လိုက်တဲ့အခါမှာ ချစ်စရာကောင်းတဲ့ပုံစံလေးကိုရစေမှာပါ။

Crop Top လေးတွေ ပေါ့ပေါ့ပါးပါး Shirt လေးတွေနဲ့ Cardigan တွေကို Skinny Jean တွေနဲ့တွဲဝတ်ရတဲ့ Freestyle ပုံစံလေးကလည်း ကျော့ရှင်းပြီး လူငယ်မိန်းကလေးတွေနဲ့ လိုက်ဖက်စေမှာပါ။