မိန်းကလေးတိုင်းရဲ့ အိတ်ထဲမှာ ဆောင်ထားသင့်တဲ့ အသုံးအဆောင်ပစ္စည်းများ

မိန်းကလေးတစ်ယောက်ရဲ့အိတ်ဆိုတာဟာ အသုံးဝင်တာဖြစ်စေ အသုံးမဝင်တာဖြစ်စေ ရှိရှိသမျှ ပစ္စည်းတွေအကုန်စုပြုံထည့်လို့ရတဲ့နေရာတစ်ခုလို့တောင် တချို့လူတွေက စနောက်တတ်ကြပါတယ်။ သူတို့ရဲ့အိတ်ထဲမှာ မထင်မှတ်ထားတဲ့ပစ္စည်းတွေတောင် တစ်ခါတစ်လေရှာတွေ့နိုင်ပြီး သူတို့သယ်လေ့ရှိတဲ့ပစ္စည်းတွေကလည်း သူတို့အတွက်သာမက အနီးနားပတ်ဝန်းကျင်ကလူတွေကိုတောင် အခက်တွေ့နေချိန်မှာ အကူအညီတွေဖြစ်စေနိုင်ပါတယ်။

အခုတစ်ခါပြောပြပေးမှာကတော့ အခြေအနေ အကြောင်းအမျိုးမျိုးကြောင့် အရေးပေါ်အခက်ခဲတွေ ကြုံတွေ့လာရပြီဆိုရင် အသုံးဝင်စေဖို့အတွက် အမျိုးသမီးတို့ဆောင်ထားသင့်တဲ့ ပစ္စည်းလေးတွေကို ဖော်ပြပေးချင်တာပဲဖြစ်ပါတယ်။

လက်သန့်ဆေး

အပြင်လောကမှာ မျက်စိနဲ့မမြင်တွေ့နိုင်တဲ့ ရောဂါပိုးမွှားတွေက ပျံ့နှံ့နေနိုင်ပြီး ဘယ်နေရာမှာ ကပ်ညိနေနိုင်လဲဆိုတာကို သတိထားမိနိုင်မှာလဲမဟုတ်ပါဘူး။ ဒါကြောင့် လက်သန့်ဆေးဘူးလေးကို အမြဲဆောင်ထားပြီး အစာမစားခင် သို့မဟုတ် အိမ်သာသွားပြီး သို့မဟုတ် လူများတဲ့နေရာတွေကို သွားပြီးနောက်မှာ အမြဲသန့်ရှင်းရေးလုပ်ပေးပါ။

နေလောင်ကာခရင်မ်

ကမ်းခြေကိုသွားတဲ့အချိန်တွေသာလျှင် နေလောင်ကာခရင်မ်က အသုံးဝင်တာမဟုတ်ပါဘူး။ နွေရာသီသာမက ဆောင်းရာသီလိုအချိန်မှာလည်း နေလောင်ကာခရင်မ်ကို အသုံးပြုပေးခြင်းက အရေပြားကင်ဆာရောဂါမဖြစ်အောင် ကြိုတင်ကာကွယ်ရာရောက်ပါတယ်။

Lip balm, gloss

လေတိုက်လွန်းတဲ့နေရာတွေမှာဆိုရင် နှုတ်ခမ်းခြောက်သွေ့တာက လွယ်ကူလွန်းတတ်လို့ Lip Balm ကို အမြဲဆောင်ထားသင့်ပါတယ်။ အသားအရေနည်းတူ နှုတ်ခမ်းသားကိုလည်း ဂရုစိုက်ဖို့လိုအပ်တာမို့ မမေ့မလျော့ထည့်ထားပေးလိုက်နော်။

Hand Cream

အစိုဓာတ်ရှိတဲ့ Hand Cream တစ်ဘူးကို အိတ်ထဲမှာဆောင်ထားခြင်းဖြင့် ဆောင်းရာသီလိုအေးတဲ့ရာသီမျိုး သို့မဟုတ် နွေရာသီအချိန် ကမ်းခြေမှာရေကူးပြီးနောက်လို အချိန်မျိုးတွေမှာ လက်လေးတွေကို ထိန်းသိမ်းနိုင်မှာဖြစ်ပါတယ်။

Powerbank

လက်ရှိအချိန်မှာ အပြင်မှာသွားလာနေတဲ့လူတစ်ယောက်စီတိုင်းမှာ စမတ်ဖုန်းကိုယ်စီပါကြပါတယ်။ Reviews တွေဖတ်ဖို့၊ လမ်းညွှန်ကြည့်ဖို့၊ သူငယ်ချင်းတွေကိုဖုန်းခေါ်ဖို့၊ စာဖတ်ဖို့ စသဖြင့် အမျိုးမျိုးအသုံးပြုဖို့အတွက် ဖုန်းကမရှိမဖြစ်မို့ အားကုန်မသွားစေဖို့အတွက် Powerbank လေးတစ်လုံးတော့ ဆောင်ထားသင့်ပါတယ်။

ဆိုဒ်သေးရေမွှေးဘူး

လူအများစုနဲ့ ဆက်ဆံနေရချိန်မှာ ကိုယ့်ရဲ့ကိုယ်သင်းနံ့က ဆိုးရွားနေလို့မဖြစ်တာမို့ အနံ့ပြယ်သွားတိုင်း ပြန်ဆွတ်နိုင်ဖို့အတွက် အိတ်ဆောင်အရွယ်အစားရှိတဲ့ ရေမွှေးဘူးလေးတွေကိုလည်း ဆောင်ထားလိုက်ပါ။

Pad များ

ကိုယ်ရာသီလာဖို့ရက်က ဝေးသေးတယ်ဆိုပေမယ့်လည်း ကိုယ့်ရဲ့သူငယ်ချင်းတစ်ယောက်ယောက် သို့မဟုတ် အိမ်သာသွားရင်းနဲ့ အခက်အခဲတွေ့နေတဲ့ မိန်းကလေးတစ်ယောက်ယောက်နဲ့ ကြုံတွေ့ရခိုက်တွေမှာ ကူညီနိုင်ဖို့အတွက် လိုလိုမယ်မယ် သယ်ဆောင်ထားလိုက်ပါ။

ဘီး

အပြင်သွားရင်းနဲ့ လေတိုက်လို့ဖြစ်ဖြစ် တစ်ယောက်ယောက်နဲ့ဝင်တိုက်မိရင်း ဆံပင်တွေဖွာသွားတာမျိုး၊ ပုံပျက်သွားတာမျိုးလို အခြေအနေတွေမှာ ပြန်လည်ဖီးသင်နိုင်ဖို့အတွက် ဘီလေးတစ်ချောင်းလောက်ကိုလည်း ထည့်ထားလိုက်ပါ။

Wet wipes

လက်သန့်ဆေးက ပိုးမွှားတွေအန္တရာယ်က ကာကွယ်ပေးနိုင်တယ်ဆိုရင် Wet Wipes တွေကတော့ ဖိနပ်နဲ့အဝတ်အစားတွေကို သန့်ရှင်းအောင်ထိန်းသိမ်းပေးနိုင်ပါတယ်။ မတော်တဆ ဘောင်းဘီ၊ အကျီပေါ်ကို ဆော့စ်တွေကျသွားတာမျိုး၊ ကော်ဖီတွေစွန်းသွားတာမျိုးလိုအချိန်မှာ အမြန်ဆုံးသုတ်ယူနိုင်ပါလိမ့်မယ်။