မင်္ဂလာပါနော်။ ဒီတစ်ခေါက် ကိုးရီးယားစတိုင်ဖက်ရှင်ချစ်သူတို့အတွက် ဖော်ပြပေးချင်တဲ့ အနုပညာရှင်ကတော့ Idol နဲ့ သရုပ်ဆောင်တစ်ဦးဖြစ်တဲ့ မင်းသမီး Lee Naeun ပဲဖြစ်ပါတယ်။အသက် ၂၃ နှစ်ရှိပြီဖြစ်တဲ့ Naeun ကတော့ နှာတံချွန်ချွန် ပါးဖောင်းဖောင်းလေးနဲ့ ပြုံးလိုက်တိုင်း ကလေးလေးလိုချစ်စရာကောင်းတဲ့ Visual မျိုးပိုင်ဆိုင်ထားသူပါ။
၂၀၁၅ ခုနှစ်မှာ “April” လို့ခေါ်တဲ့ Kpop အဖွဲ့ကတစ်ဆင့် ပွဲဦးထွက်ခဲ့ပြီး ၂၀၁၆ မှာ သရုပ်ဆောင်မင်းသမီးအဖြစ် Drama တွေ စတင်ရိုက်ကူးခဲ့ပါတယ်။ ပရိသတ်တော်တော်များများက သူမကို ၂၀၁၉ ခုနှစ်ကထွက်ရှိခဲ့တဲ့ “Extraordinary You” ဇာတ်လမ်းတွဲထဲက ချစ်စရာကောင်းတဲ့ကျောင်းသူမလေး “Yeo JuDa” ကာရိုက်တာအနေနဲ့ တွဲသိကြပါတယ်။
၂၀၂၁ ခုနှစ် မှာ “April” အဖွဲ့ဖျက်သိမ်းခဲ့တာကြောင့် သရုပ်ဆောင်မင်းသမီးတစ်ဦးအဖြစ် ဆက်လက်ရပ်တည်ဖို့ အခုနှစ်မှာ “Namoo Actors” သရုပ်ဆောင်အင်ဂျင်စီနဲ့ လက်တွဲလိုက်တယ်လို့လည်း သိရပါတယ်။
Music Video အချို့မှာလည်း ပါဝင်သရုပ်ဆောင်ဖူးပြီး အစီအစဉ်တင်ဆက်သူအနေနဲ့ပါ လုပ်ကိုင်ခဲ့ဖူးတဲ့အပြင် ဖက်ရှင်ပိုင်းအနေနဲ့လည်း Nylon, Elle, Grazia နဲ့ Star1 စတဲ့ နာမည်ကြီးဖက်ရှင် Magazine Brand တွေရဲ့ Cover Model အဖြစ် ပါဝင်ခဲ့ဖူးတာမို့ အနုပညာပိုင်းမှာ ဘက်စုံတော်သူလေးတစ်ယောက်ဆိုရင်လည်း မမှားပါဘူး။
သူမက များသောအားဖြင့် ပေါ့ပေါ့ပါးပါးနဲ့ ချစ်စရာကောင်းတဲ့ စတိုင်လေးတွေ ဝတ်တတ်တဲ့သူပါ။ Naeun ဝတ်တဲ့ဖက်ရှင်လေးတွေက အခုခေတ်ကောင်မလေးတွေအတွက်လည်း ထသွားထလာ အတုယူနိုင်မှာဖြစ်လို့ သူမရဲ့ ဖက်ရှင်လေးတွေကို ကြည့်လိုက်ရအောင်နော်။
Photo Source: Pinterest
By MyStyle Myanmar
