Sensitive Skin သမားတွေက အခြား Skin Type တွေထက် အသားအရေထိခိုက်လွယ်တာမို့ Skincare လုပ်တဲ့အခါ ရွေးချယ်မှုမမှားအောင် အရမ်းသတိထားရပါတယ်။ ဒီလိုထိန်းသိမ်းရခက်တဲ့ အသားအရေပိုင်ရှင်တွေအတွက် Skincare လုပ်ရာမှာ အရွေးမမှားစေဖို့ မှန်ကန်ထိရောက်တဲ့ အသားအရေထိန်းသိမ်းမှုအဆင့် (၃) ဆင့်အကြောင်းကို ဒီတစ်ခေါက်မှာ ဖော်ပြပေးသွားမှာပါ။ အရေးအကြီးဆုံး (၃) ဆင့်ကိုဖော်ပြထားတာမို့ Skincare မျိုးစုံလုပ်ရတာမျိုးမကြိုက်တဲ့သူတွေအတွက် အသုံးတည့်စေမှာပါ။
၁။ Cleansing လုပ်တဲ့အဆင့်
Photo Source: BeBeautiful
အသားအရေအားလုံးအတွက် Cleansing အဆင့်က အရမ်းအရေးကြီးသလို Sensitive Skin ရှိသူတွေဆိုရင် ပိုပြီး ဂရုတစိုက်သန့်စင်ပေးဖို့လိုပါတယ်။ နီမြန်းပြီး ထိခိုက်လွယ်တဲ့ အသားအရေဖြစ်တာမို့ Cleanser ကို သတိထားပြီးရွေးချယ်ဖို့မမေ့ပါနဲ့။ Sulfate မပါတဲ့ Cleanser အပျော့ဖြစ်ရပါမယ်။ Sensitive Skin သမားတွေအတွက် သီးသန့်ထုတ်ထားတဲ့ Cleanser မျိုးသုံးနိုင်ရင် ပိုကောင်းပါတယ်။
၂။ Moisturizer လိမ်းတဲ့အဆင့်
Photo Source: StyleCaster
Sensitive အသားအရေအတွက် Moisturizer ကလည်းအဓိကလိုအပ်တဲ့အရာတစ်ခုပါ။ အသားခြောက်ပြီး Sensitive ဖြစ်တတ်တဲ့သူတွေအတွက်ဆိုရင် ပိုပြီးလိုအပ်ပါတယ်။ ပျိုမေတို့အနေနဲ့ ကိုယ်သုံးမယ့် Product မှာ Hyaluronic Acid, Niacinamide, Glycerin နဲ့ Cica စတဲ့ ဓာတ်ပစ္စည်းတွေပါဝင်တာမျိုးကို ရွေးချယ်ပေးဖို့ လိုပါတယ်။ ဒီပါဝင်ပစ္စည်းတွေက အသားအရေကိုအစိုဓာတ်ဖြည့်ပြီး တင်းတင်းရင်းရင်းလေးဖြစ်စေတဲ့အပြင် အရေပြားအပေါ်ယံအလွှာကိုအားပြည့်စေပါတယ်။ Dry နဲ့ Sensitive ဖြစ်တဲ့သူတွေက Cream အမျိုးအစား Moisturizer မျိုးသုံးသင့်ပြီး အဆီပြန် Sensitive ဖြစ်တဲ့သူတွေကတော့ Gel အမျိုးအစားတွေကို ရွေးချယ်ပေးပါ။
၃။ Sunscreen လိမ်းတဲ့အဆင့်
Photo Source: InStyle
Skin Sensitive ဖြစ်တဲ့သူတွေက အသားအရေနီမြန်းပြီး ရောင်ရမ်းလွယ်တာမို့ နေရောင်နဲ့တိုက်ရိုက်ထိတာမျိုး မလုပ်မိဖို့ အရေးကြီးပါတယ်။ ဒါကြောင့် ဘယ်နေရာရောက်ရောက် Sunscreen ကို တစ်နေ့တစ်ကြိမ်တော့ အနည်းဆုံး ပုံမှန်လိမ်းပေးပါ။ Chemical နဲ့ Alcohol ပါတဲ့ Sunscreen မျိုးရှောင်ပြီး Sensitive Skin အတွက် စိတ်ချလက်ချသုံးနိုင်တဲ့ပစ္စည်းတွေ (သို့) Product အညွှန်းမှာ Titanium Dioxide နဲ့ Zinc Oxide စတာတွေ ပါဝင်တာမျိုးကို ရွေးသုံးပေးဖို့လိုပါတယ်။
By MyStyle Myanmar
