Skincare တွေလည်း လုပ်နေရက်နဲ့ မျက်နှာက ညစ်ညစ်ကြီးဖြစ်နေလို့၊ ကိုယ်သုံးနေတာတွေက ဘာမှထူးခြားမှုမရှိဘူးဆိုပြီး စိတ်ညစ်နေတဲ့သူတွေအတွက် သုံးသင့်တဲ့ Skincare ပစ္စည်းတွေကို ပြောပြပေးလိုက်ပါတယ်။
အသားအရေကောင်းနေဖို့၊ အသားအရေကြည်လာဖို့ဆိုတာကလည်း Skincare တစ်ခုထဲ လုပ်နေရုံနဲ့ မပြီးပါဘူး။ အဓိကအရေးကြီးတာနှစ်ခုက ဝမ်းမချုပ်ဖို့နဲ့ ရေများများသောက်ဖို့ပါပဲ။ ဝမ်းချုပ်တတ်ရင် ဘယ်လောက်ပဲ Skincare လုပ်လုပ် အသားအရေညစ်ပါတယ်။ ရေသောက်နည်းရင်လည်း အသားအရေမွဲခြောက်ပြီး ကြည်ကြည်လင်လင်လေး မဖြစ်ပါဘူး။
Hydrating Toner
Toner ကိုသုံးမယ်ဆိုရင်တော့ Brightening ဖြစ်တဲ့ Toner သုံးတာထက် Hydration ကောင်းကောင်းပေးနိုင်တဲ့ ရေဓာတ်ပြည့်စေတဲ့ Hydrating Toner မျိုးကိုပဲ ရွေးချယ်သုံးစွဲသင့်ပါတယ်။
Essence
Toner ထက်စာရင် Essence ရဲ့ လုပ်ဆောင်ချက်က ပိုအရေးပါတဲ့အတွက် Essence ကောင်းကောင်းလေး သုံးပေးပါ။ ဥပမာ – ဝက်ခြံ၊ အဆီဖုရှိတဲ့သူက Essence ကောင်းကောင်းလေးသုံးချင်တယ်ဆိုရင် I’m from Mugwort Essence က ဝက်ခြံ၊ အဆီဖုတွေကို သက်သာစေပြီး အသားကြည်စေတယ်၊ Glow စေတဲ့အတွက် အဆင်ပြေပါတယ်။
Vitamin C Serum
မျက်နှာညစ်ညစ်ကြီးဖြစ်နေလို့ မျက်နှာလေးလင်းပြီး ဖြူလာချင်တယ်၊ အရင်ထက်ပိုပြီး အသားအရေ Bright ဖြစ်လာမျိုးလိုချင်တယ်ဆိုရင်တော့ Vitamin C Serum ကို သုံးပေးမှရမှာပါ။
Moisturizer
Moisturizer က မနက်ကောညကော လိမ်းရမှာဖြစ်တဲ့အတွက် Moisturizer ကို ကောင်းကောင်းလေးသုံးပေးပါ။ ကိုယ်နဲ့အဆင်ပြေတာကို သေချာရွေးသုံးပါ။ အဆီပြန်တဲ့သူဆိုရင် Cream Type တွေ လုံးဝမသုံးပဲ Gel Type သုံးပေးပါ။ အဆီပြန်လို့ Moisturizer မလိမ်းပဲ မနေပါနဲ့။ အသားအရေက ရေဓာတ်ပြည့်နေမှ Healthy Skin ဖြစ်ပြီး အသားကြည်မယ်၊ Glow ပါမယ်။
Exfoliate
တစ်ပတ်တစ်ခါ Exfoliate or Scrub မလုပ်ပေးဘူးဆိုရင်လည်း ဘယ်လောက်ပဲ Skincare လုပ်နေပါစေ အသားအရေက ညစ်နေမှာပါပဲ။ အဆီဖုနဲ့ ဝက်ခြံတွေတောင် ထွက်လာနိုင်ပါသေးတယ်။ ဒါကြောင့် တစ်ပတ်တစ်ခါ မဖြစ်မနေ Exfoliate လုပ်ပေးပါ။ ကိုယ့်အသားအရေက Problem မရှိဘူးဆိုရင်တော့ Brightening ဖြစ်စေတဲ့ Mask , Scrub စတာတွေ သုံးပေးရင် ပိုကောင်းပါလိမ့်မယ်။
Sheet Mask
မျက်နှာအသားအရေ ညစ်ညစ်ကြီးမဖြစ်ပဲ ရေဓာတ်အပြည့်နဲ့ ကြည်လင်ပြီး Glow နေစေဖို့ အရေးပါတဲ့လုပ်ဆောင်ချက်ကတော့ Sheet Mask ကပ်ပေးတာပါပဲ။ အနည်းဆုံး တစ်ပတ်တစ်ခါတော့ ကပ်ပေးပါ။ တတ်နိုင်ရင် ၃ ရက်တစ်ခါ၊ ၄ ရက်တစ်ခါ Sheet Mask ကပ်ပေးရင်တော့ ၂ လလောက်နဲ့တင် အသားအရေက တော်တော်ကိုပြောင်းလဲလာပါလိမ့်မယ်။
