တချို့ Idol တွေက ပရိတ်သတ်အရှေ့ကို Idol အနေနဲ့ အရင်ဆုံး ပွဲဦးထွက်ခဲ့ကြပေမယ့် ကင်မရာအရှေ့ရောက်တဲ့အခါမှာလည်း ကျရာဇာတ်ရုပ်ကို အကောင်းဆုံးအပိုင်နိုင်ဆုံး သရုပ်ဆောင်နိုင်ခဲ့ကြပါတယ်။ ဒီလို သဘာဝအတိုင်း မွေးဖွားလာတဲ့ သရုပ်ဆောင်တွေဖြစ်ကြောင်း သက်သေပြခဲ့တဲ့ Idol ၁၂ ယောက်ကို ကြည့်လိုက်ကြရအောင်။
Lee Junho
နာမည်ကြီး 2PM အဖွဲ့ရဲ့ အဖွဲ့ဝင် Lee Junho က အဆိုတော်၊ တေးရေးဆရာ၊ အကသမားတစ်ယောက်ပါ။ မယုံနိုင်လောက်အောင် ကောင်းလွန်းတဲ့အသံက ပရိတ်သတ်တွေကို ဖမ်းစားနိုင်သလို စခရင်တွေမှာလည်း သူ့ရဲ့ စွယ်စုံရနိုင်စွမ်းကို ပြသထားပါတယ်။
Im Siwan
ယောက်ျားလေးအဖွဲ့ ZE:A ရဲ့ အဖွဲ့ဝင်တစ်ဦးအဖြစ် ပထမဆုံး ပွဲဦးထွက်ခဲ့တဲ့ Im Siwan က အခုဆို ဘယ်လိုဇာတ်ရုပ်ကိုမဆို အံဝင်ကျအောင် သရုပ်ဆောင်နိုင်သူတစ်ယောက် ဖြစ်နေပါပြီ။
IU
IU ဟာ အနုပညာရှင်တွေသာမက ပရိသတ်တွေအတွက်ပါ စံပြပုဂ္ဂိုလ်တစ်ဦးအဖြစ် သတ်မှတ်ချင်းခံရသူလေးပါ။ သူမရဲ့ အနုပညာအလုပ်တွေမှာသာမကဘဲ ဂီတလောကမှာပါ ထူးချွန်ထက်မြက်မှုကို ဖန်သားပြင်ပေါ်မှာ သက်သေ ပြခဲ့ပါသေးတယ်။
D.O
Boy Band EXO ရဲ့ အဖွဲ့ဝင် D.O. ရဲ့ စွဲမက်ဖွယ်ကောင်းတဲ့အသံက နားထောင်သူတွေကို လွှမ်းမိုးနိုင်သလို D.O. သူ့ရဲ့ သရုပ်ဆောင်ချက်တွေကို ထုတ်ဖော်ပြသဖို့ ကြုံလာရတဲ့အခါမှာလည်း အမိုက်စား ကွက်တိ သရုပ်ဆောင်နိုင်တဲ့ သူပါ။
Hyeri
Girl’s Day ရဲ့ အသက်အငယ်ဆုံးအဖွဲ့ဝင်ဖြစ်တဲ့ Hyeri က“Real Men” တွင် ပါဝင်ပြီးနောက်ပိုင်း “Nation’s Little Sister” အဖြစ် သတ်မှတ်ခြင်းခံခဲ့ရသူပါ။ အခုဆို “Reply 1988,” “My Roommate Is a Gumiho”
စတဲ့ဇာတ်လမ်းတွေမှာ သူရဲ့ အပိုအလိုမရှိတဲ့ သရုပ်ဆောင်မှုတွေကြောင့် ပရိတ်သတ်ရဲ့အားပေးမှုကို ပိုင်ဆိုင်နေပါပြီ။
Kim Sejeong
I.O.I နဲ့ gugudan အဖွဲ့ဝင်တစ်ဦးအနေနဲ့ စခဲ့တဲ့ Kim Sejeong ဟာ နောက်ပိုင်းမှာတော့ သရုပ်ဆောင်လုပ်ဖို့ ဆုံးဖြတ်ခဲ့သူပါ။
Taecyeon
2PM အဖွဲ့ဝင်တစ်ဦးဖြစ်တဲ့ Taecyeon ကို အဆိုတော်၊ သီချင်းရေးဆရာ၊ သရုပ်ဆောင်နဲ့ စွန့်ဦးတီထွင်သူအဖြစ် လူသိများပါတယ်။ Taecyeon နဲ့ ပတ်သက်ပြီး အံသြစရာတစ်ခုက သူဟာ သရုပ်ဆောင်တဲ့အခါ မလောဘဲ စိတ်အေးလက်အေးဖြစ်ပြီး ဇာတ်လမ်းမှာ သူ့ကိုယ်သူ ပုံသွင်းလိုက်တာနဲ့ သူပျော်နေတယ်ဆိုတာ သိသာနေပါတယ်။
