အနုပညာရှင် ဖက်ရှင်အကြောင်းတွေ စိတ်ဝင်စားကြတဲ့ ပျိုမေတို့မင်္ဂလာပါနော်။ ဒီတစ်ခေါက် ဖက်ရှင်ချစ်သူတို့အတွက် ဖော်ပြပေးချင်တဲ့ အနုပညာရှင်ကတော့ နာမည်ကြီး Kpop အဖွဲ့ဖြစ်တဲ့ G-IDLE ရဲ့ အဖွဲ့ဝင်လေး Miyeon ပဲဖြစ်ပါတယ်။

နာမည်အပြည့်အစုံ Cho Mi-Yeon ဖြစ်ပြီး Miyeon လို့ သိကြတဲ့သူမဟာ G-IDLE အဖွဲ့နဲ့အတူ ၂၀၁၈ ခုနှစ်မှာ အဖွဲ့ရဲ့ အဓိက Vocalist အနေနဲ့ ပွဲဦးထွက်ခဲ့သူပါ။ အသက် ၂၅ နှစ်ရှိပြီဖြစ်ပြီး အဖွဲ့ရဲ့ အသက်အကြီးဆုံးသူလေးဖြစ်ပါတယ်။

Miyeon ဟာ ငယ်ငယ်ကတည်းက အဆိုပိုင်းကို ဝါသနာပါသူဖြစ်တာမို့ အလယ်တန်းကျောင်းသူအရွယ်မှာ YG Entertainment ထဲဝင်ပြီး Idol ဖြစ်ဖို့ ငါးနှစ်ကြာ Trainee အဖြစ် လေ့ကျင့်ခဲ့ပါတယ်။ သူမဟာ YG ရဲ့ ပွဲဦးထွက် အဖွဲ့ထဲမပါဝင်ခဲ့တာမို့ Entertainment ကနေ နှုတ်ထွက်လိုက်ပေမယ့် Idol ဖြစ်ချင်တဲ့ အိပ်မက်ကို လက်မလျှော့ဘဲ Music နဲ့ဆိုင်တဲ့ ပညာရပ်တွေကို ဆက်လေ့လာခဲ့ကာ ၂၀၁၇ မှာ Cube Entertainment ကတစ်ဆင့် G-IDLE ရဲ့ အဖွဲ့ဝင်ဖြစ်လာခဲ့သူပါ။

သူမရဲ့ အသံပါဝါကောင်းပြီး ခံစားချက်အပြည့်နဲ့သီဆိုတတ်တဲ့ Vocal ကြောင့် ပရိသတ်တွေကြား လူသိများသလို Visual ပိုင်းမှာလည်း နှာတံမြင့်မြင့်လေးနဲ့ ကြွေရုပ်လေးလို အလှမျိုး ပိုင်ဆိုင်ထားသူလေး ဖြစ်ပါတယ်။

Miyeon ဟာ ခေတ်ဆန်တဲ့ ပေါ့ပေါ့ပါးပါးဖက်ရှင်လေးတွေကို လိုက်ဖက်အောင် ဝတ်ဆင်တတ်သူဖြစ်ပြီး သူမဝတ်တဲ့ ဖက်ရှင်လေးတွေက အခုခေတ်လူငယ်ကောင်မလေးတွေအတွက် အကြိုက်တွေ့စေမှာပါ။ ဒါကြောင့်မို့ စိတ်ဝင်စားတဲ့သူတွေအတွက် Miyeon ရဲ့ ဖက်ရှင်လေးတွေကို စုစည်းဖော်ပြပေးလိုက်ပါတယ်။

Photo Source: Pinterest

By MyStyle Myanmar