အခုပြသနေတဲ့ True Beauty ထဲက ဒုတိယမင်းသားဖြစ်တဲ့ Hwang In Yeop ကို ကြိုက်တဲ့သူတွေ အများကြီးရှိတဲ့အတွက် Hwang In Yeop ပါဝင်သရုပ်ဆောင်ထားတဲ့ Drama တွေကို ပြောပြပေးလိုက်ပါတယ်။
Hwang In Yeop ကို ၁၉၉၁ ခုနှစ်၊ ဇန်နဝါရီလ ၁၉ ရက်နေ့မှာ မွေးဖွားခဲ့တာဖြစ်ပြီး မကြာခင်မှာတော့ အသက် ၃၀ ပြည့်တော့မှာပါ။ အသက် ၃၀ လို့မထင်ရလောက်အောင် နုလွန်းပါတယ်။ ၂၀၁၇ ရောက်မှ အနုပညာလှုပ်ရှားမှုတွေကို စတင်လုပ်ဆောင်ခဲ့တာပါ။ ၂၀၁၈ မှာတော့ သရုပ်ဆောင်အနေနဲ့ စတင် debut လုပ်ခဲ့ပါတယ်။ ဒီကနေစပြီးတော့ပဲ သရုပ်ဆောင်လောကထဲဝင်လာပြီး Drama တွေ စရိုက်ဖြစ်ပါတယ်။ ဒါဆိုရင်တော့ Hwang In Yeop ပါဝင်သရုပ်ဆောင်ထားတဲ့ Drama တွေကို ဆက်ပြီးကြည့်လိုက်ရအောင်…..။
WHY (2018)
2018 မှာတော့ “WHY” ဆိုတဲ့ Drama မှာ Main Role “Gi Jae Yeong” အဖြစ်နဲ့ စတင်သရုပ်ဆောင်ခဲ့ပါတယ်။ ဒီ Drama ဟာဆိုရင် Rating 8.0 ရခဲ့ပါတယ်။
Freshman (2019)
2019 မှာတော့ “Freshman” ဆိုတဲ့ Drama မှာ Main Role “Seo Kyo Won” အဖြစ်နဲ့ သရုပ်ဆောင်ခဲ့ပါတယ်။ ဒီ Drama ဟာဆိုရင် Rating 7.2 ရခဲ့ပါတယ်။
The Tale of Nokdu (2019)
2019 မှာ နာမည်ကြီး Drama ဖြစ်တဲ့ “The Tale of Nokdu” မှာ Support Role “Park Dan Ho” Yool Mu ရဲ့ ညာလက်ရုံးအဖြစ်နဲ့ ပါဝင်သရုပ်ဆောင်ခဲ့ပါတယ်။ ဒီ Drama ဟာဆိုရင် Rating 8.4 ရခဲ့ပါတယ်။ တချို့တွေကတော့ ဒီ Drama ထဲမှ စပြီးသတိထားမိခဲ့ကြတာ၊ သိခဲ့ကြတာ ဖြစ်ပါတယ်။
18 Again (2020)
2020 မှာတော့ နောက်ထပ်နာမည်ကြီး Drama ဖြစ်တဲ့ “18 Again” မှာ Support Role “Goo Ja Sung” Basketball အသင်းခေါင်းဆောင် အဖြစ်နဲ့ ပါဝင်သရုပ်ဆောင်ခဲ့ပါတယ်။ ဒီ Drama ဟာဆိုရင် နာမည်ကြီးပြီး အရမ်းလူကြိုက်များတဲ့ Drama ဖြစ်တာကြောင့် Rating က 8.7 တောင် ရရှိခဲ့ပါတယ်။ ဒီ Drama မှာစပြီးတော့ သူ့ကိုကြိုက်တဲ့သူတွေ Fan တွေ သိသိသာသာကို များလာတော့တာပါပဲ။
True Beauty (2020)
အခုလက်ရှိမှာတော့ “True Beauty” ဆိုတဲ့ Drama မှာ Main Role “Han Seo Jun” အဖြစ်နဲ့ သရုပ်ဆောင်ထားတာကို တွေ့ရမှာပါ။ ဒီ Drama ကတော့ အခုလက်ရှိမှာ နာမည်ကြီးပြီး အရမ်းလူကြိုက်များတဲ့ Webtoon Drama ဖြစ်တာကြောင့် အပိုင်း ၆ ပိုင်းပဲ ရှိသေးတယ် Rating က 8.6 တောင် ရှိနေပါပြီ။ တချို့ကတော့ Cha Eun-woo ကိုကြိုက်ပေမယ့် တချို့ကျတော့ True Beauty မှာ Hwang In Yeop ကို ကြိုက်ကြပါတယ်။
ဒီ Drama ကလည်း အရမ်းနာမည်ကြီးပြီး လူကြိုက်များနေတာကြောင့် Start-Up Drama တုန်းက Team Han Ji-pyeong နဲ့ Team Nam Do-san ရှိသလို True Beauty မှာလည်း Team Lee Su-ho နဲ့ Team Han Seo-joon ရှိလာနိုင်ပါတယ်။
