လက်ချောင်းခြေချောင်းတွေကို ဂရုစိုက်ဖို့ မေ့လျော့နေပြီလား။ မျက်နှာလေးကတော့ဖြူဝင်းနေပေမယ့် လက်ချောင်းလေးတွေ ညိုမဲနေရင်းလည်း အဆင်မပြေပါဘူး။ မျက်နှာကိုပဲ ဂရုစိုက်ရုံနဲ့ အလှအပဟာ ပြီးပြည့်စုံမှုမရှိပါဘူး။

လက်ချောင်းခြေချောင်းတွေညိုမဲနေပြီး လက်သည်းနီခြေသည်းနီ လှလှလေးတွေ ဆိုးထားပြန်ရင်လည်း ကိုယ့်လက်ချောင်းလေးတွေက လှပနေမှာ မဟုတ်သလို ယုံကြည်မှုတွေလည်း ပိုတိုးမလာတာတော့ သေချာပါတယ်။

နေလောင်လို့ပဲဖြစ်ဖြစ် အကြောင်းအမျိုးမျိုးကြောင့် လက်ချောင်းခြေချောင်းတွေ ညိုမဲနေတာတွေအတွက် သံပုယိုသီးကို အသုံးပြုလိုက်ပါ။

အသုံးပြုနည်း ၁

သံပုယိုသီး နဲ့ ပျားရည်

သံပုရာသီးမှာ သဘာဝအတိုင်း အသားအရေ ဖြူဝင်းစေတဲ့ ဂုဏ်သတ္တိတွေပါဝင်ပါတယ်။ ပျားရည်ကလည်း အသားအရေကို အဟာရဓါတ် ပေးစွမ်းနိုင်ပါတယ်။ ဒီတော့ အသုံးပြုလိုက်ရအောင်ပါ။

ပျားရည်နဲ့ သံပုရာရည်ကို လက်ဖက်ရည်ဇွန်း ၁ ဇွန်းဆီ အချိုးကျရောပြီး လက်ချောင်းခြေချောင်းတွေကို လိမ်းပေးပါ။

၁၀ မိနစ်လောက်ထားပြီး ရေဆေးချပါ။ အနည်းဆုံး တစ်ရက်ကို ၁ ကြိမ်လုပ်ပေးပြီး ၂ ပတ်ဆက်တိုက်လုပ်ပေးပါ။ ရလဒ်ကောင်းတွေ ရလာပါလိမ့်မယ်။

သံပုယိုသီးနဲ့သကြား

သံပုယိုသီးနဲ့ သကြားကို လက်ချောင်းခြေချောင်းတွေမှာ ပွတ်တိုက်ပေးပါ။

သကြား လက်ဖက်ရည်ဇွန်း ၁ ဇွန်းနဲ့ သံပုယိုသီး တစ်ခြမ်းကိုအရည်ည်ပြီး ပွတ်တိုက်ပေးရမှာဖြစ်ပါတယ်။ ပြီရင် ၅ မိနစ်လောက်ထားပြီး ရေဆေးချပါ။ တစ်နေ့ကို တစ်ကြိမ်၂ ပတ်လုပ်ပေးပါ။