တော်တော်များများက fashion tape ကို သိပ်ပြီး သုံးလေ့မရှိကြပါဘူး။ တကယ်တော့ fashion tape ဆိုတာက မိန်းကလေးတိုင်း မရှိမဖြစ်ကို ဆောင်ထားသင့်တာပါ။ ဘက်စုံကို အရမ်းအသုံးဝင်တဲ့ ပစ္စည်းဖြစ်ပါတယ်။ ဘယ်လိုနေရာတွေမှာ အသုံးဝင်လဲ၊ ဘယ်လိုတွေ သုံးလို့ရမလဲဆိုတာကိုလည်း ပြောပြပေးလိုက်ပါတယ်။
အကီၤျကြယ်သီးခြားနေလို့ ဟတဲ့နေရာ၊ ရင်ဘတ်နား ကြယ်သီးဟတဲ့နေရာတွေမှာ fashion tape ကပ်ပြီး သုံးမယ်ဆိုရင် အရမ်းကိုအဆင်ပြေသွားပါလိမ့်မယ်။
ရှပ်အင်္ကျီတွေဝတ်တဲ့အခါ တစ်ခါတစ်လေကျရင် ကော်လံကထောင်နေတာမျိုး၊ မညီတာမျိုးတွ ဖြစ်တတ်ပါတယ်။ ဒီလိုဖြစ်နေရင် fashion tape ကိုသုံးလိုက်ပါ။
လက်ကောက်တွေဝတ်လို့ ချောင်နေရင်လည်း fashion tape နဲ့ ကပ်လို့ရပါတယ်။ ဒါပေမယ့် လက်မွှေးရှိတဲ့သူဆိုရင်တော့ အဆင်မပြေပါဘူး။
တချို့ခါးပတ်တွေက ကွင်းမပါပါဘူး။ အလှတပ်တဲ့ ခါးပတ်တွေဆို ကွင်းမပါတဲ့အတွက် ခါးပတ်ကြိုးက ကျနေတာမျိုးဖြစ်နေတော့ တချို့အဝတ်အစားတွေနဲ့ မလိုက်ဖက်တော့တာမျိုး ဖြစ်နေပါတယ်။ ဒီလိုအခါမျိုးမှာ fashion tape နဲ့ ကပ်လိုက်ရင်တော့ အကုန်အဆင်ပြေသွားပါလိမ့်မယ်။
Casual shoes နဲ့စီးတဲ့ ခြေအိတ်လေးတွေနဲ့ ဖိနပ်နဲ့တိုက်ပြီး လျှောကျတာတွေ ဖြစ်တတ်ပါတယ်။ ဒီလိုမဖြစ်ရအောင် fashion tape ကို ခြေဖနောင့်နဲ့ ခြေအိတ်မှာ ကပ်လိုက်မယ်ဆိုရင် ဘယ်လိုလျှောက်လျှောက် ပြေးရင်တောင်မှ လျှောကျတာတွေ ဖြစ်တော့မှာမဟုတ်ပါဘူး။
လက်ပြတ်တွေဝတ်တဲ့အခါ bra ကြိုးပေါ်နေရင် ကြိုးနဲ့ အင်္ကျီနဲ့ကို fashion tape နဲ့သာကပ်လိုက်ပါ။
အရပ်ပုတဲ့သူတွေက ဘောင်းဘီရှည်နေရင် ခေါက်ပြီး fashion tape နဲ့ကပ်လိုက်ပါ။ ဒါဆိုရင် ဖြတ်စရာလည်းမလို၊ ချုပ်နေစရာလည်း မလိုပဲ အဆင်ပြေသွားပါလိမ့်မယ်။
အင်္ကျီလည်ပင်းဟိုက်တာမျိုး ဝတ်တဲ့အခါမှာ အရမ်းကြီးပြဲနေတာမျိုး မဖြစ်ချင်ရင် အသားနဲ့ အင်္ကျီနဲ့ကြားကို fashion tape နဲ့ကပ်လိုက်ပါ။
ဒီလိုအရမ်းအသုံးဝင်တဲ့ fashion tape က တခြားနေရာတွေမှာလည်း ကိုယ်အဆင်ပြေသလို သုံးလို့ရတာကြောင့် fashion tape ကို မိန်းကလေးတိုင်း မရှိမဖြစ်ဆောင်ထားသင့်ပါတယ်။
