ဘီယာဟာ သင့်ရဲ့ ဆံကေသာအတွက်လည်း များစွာအကျိုးကျေးဇူး ဖြစ်ပေါ်စေတယ်လို့ လေ့လာတွေ့ရှိချက်များအရ သိရပါတယ်။ ဒီတစ်ခေါက်မှာတော့ ဘီယာနဲ့ ဆံကေသာကို ဘယ်လိုပေါင်းတင်ရမလဲ ဆိုတဲ့ နည်းလမ်းကောင်းများကို မျှဝပေးချင်ပါတယ်။
(၁) ဘီယာခေါင်းလျှော်ရည်
ရှေးဦစွာ ဘီယာ (၂) ခွက်ခန့်ကို အိုးတစ်ခုအတွင်းထည့်ကာ (၁၅) မိနစ်ခန့် ကျိုချက်ရပါမယ်။ အဲ့ဒီနောက်မှာတော့ ကျိုချက်ပြီးသားဘီယာကို အအေးခံပေးပါ။ ဘီယာအေးသွားပြီဆိုတာနဲ့ တစ်ခါသုံး ခေါင်းလျှော်ထုပ်တစ်ထုပ်ခန့် ထည့်ပြီး သမအောင် မွှေရပါမယ်။
ထို့နောက်ဆံကေသာကို ရေအေးနဲ့ လောင်းပြီး ခုနက သမအောင်မွှေထားတဲ့ ဘီယာနဲ့ခေါင်းလျှော်ရည်အရောအနှောကို ဦးခေါင်းပေါ်သုတ်လိမ်းပြီး နှိပ်နယ်ပေးပါ။ ၁၅ မိနစ်ခန့် နှိပ်နယ်ပြီးတာနဲ့ ခေါင်းလျှော်လိုက်လို့ရပါပြီ။
(၂) ဘီယာနှင့် ကြက်ဥ
ဒီနည်းမှာလည်း ဘီယာတစ်ခွက်ခန့်ကို ခွက်တစ်ခုအတွင်းထည့်ကာ ထောပတ်ဆီအနည်းငယ်ရယ် ကြက်ဥ (၂) လုံးခန့် ဖောက်ထည့်ပြီး သမအောင်မွှေပေးရပါမယ်။
သမအောင်မွှေပြီးပါက ဦးရေပြားအထက်သို့ အဆိုပါ ကြက်ဥနဲ့ ဘီယာအရောအနှောကို ဦးရေပြားအရင်းကနေ ဆံသားအဖျားအထိ နှံ့အောင်လိမ်းကာ နှိပ်နယ်ပေးရပါမယ်။
ထို့နောက် အဝတ် (သို့) ရေချိုးရင်သုံးတဲ့ Shower Cap ကို မိနစ် (၃၀) စွပ်ထားရပါမယ်။ အဲ့ဒီနောက်မှာတော့ အသုံးပြုနေကျ ခေါင်းလျှော်ရည်နဲ့ပဲ ခေါင်းလျှော်လိုက်ရင်ရပါပြီ။ Conditioner ထပ်မံ အသုံးပြုမယ်ဆိုရင်လည်း ရပါတယ်။
(၃) ဘီယာနှင့် ပျားရည်
ဒီတစ်ခေါက်မှာ ပါဝင်မယ့်ပစ္စည်းလေးတွေကတော့ ဘီယာတစ်ခွက် ၊ ပျားရည်အနည်းငယ် ၊ ငှက်ပျောသီးတစ်လုံးနဲ့ ကြက်ဥအနှစ်တစ်လုံးပဲဖြစ်ပါတယ်။
အထက်ပါနည်းတွေအတိုင်းပဲ ပါဝင် ပစ္စည်းအားလုံးကိုရောပြီး သမအောင် မွှေပေးရပါမယ်။ ပြီးတဲ့အခါမှာ အဆိုပါ အရောအနှောကိုလက်နဲ့ယူပြီး ဆံသားပေါ်အနှံ လိမ်းကျံပေးရပါမယ်။
ထို့နောက် Shower Cap ကိုအသုံးပြုပြီး (၄၅) မိနစ်ခန့်ကနေ (၁) နာရီအထိပေါင်းထားရမယ်။ အချိန်စေ့တဲ့အခါ ပုံမှန်လျှော်နေကျ ခေါင်းလျှော်ရည်နဲ့ လျှော်လိုက်လို့ရပါပြီ။
