အားလုံးပဲ မင်္ဂလာပါ။ ဆံပင်ရှည်ပိုင်ဆိုင်ထားတဲ့ မိန်းကလေးတစ်ယောက်က ကျက်သရေရှိတာထက် ပိုတယ်ဆိုတာကို ငြင်းလို့ရမှာမဟုတ်ပါဘူး။ ဆံပင်ရှည်ပိုင်ဆိုင်ထားတဲ့ သင့်အနေနဲ့ကော ဆံပင်ရှည်ကို စည်းထားတတ်လား။ ဒီအတိုင်းပဲ ဆံပင်ရှည်ကို ချထားတတ်လား။ ဆံပင်ရှည်ကို သိပ်မစည်းတတ်တဲ့ ပျိုမေတွေအတွက်တော့ ဆံပင်ရှည်က တစ်ခါတလေ ဘာလုပ်ရမှန်းမသိ စိတ်ညစ်စရာဖြစ်တတ်ပါတယ်။ သင်က ဒီလိုမိန်းကလေးတစ်ယောက်ဆိုရင်တော့ ဆံပင်ရှည်ကို လွယ်ကူတဲ့နည်းလမ်းတွေနဲ့ ပုံဆန်းလေးတွေဖြစ်အောင် ဖန်တီးနိုင်ပါတယ်။

၁။ တစ်ဝက်စည်း


ဆံပင်ကို တစ်ဝက်စည်းပြီး ပုံထဲကအတိုင်း ကပိုကရိုလေးထားနိုင်ပါတယ်။

၂။ ဆံပင်ကို ဆံပင်နဲ့ပြန်စည်းမယ်


ပထမဆုံး ဆံပင်စည်းပေးရပါမယ်။ ပြီးတာနဲ့ ဆံပင်အနညး်ငယ်ယူပြီး ခေါင်းစည်းကြိုးအတိုင်း ပတ်ပေးရပါမယ်။ ပြီးတာနဲ့ ယိုးဒယားကလစ်လေးနဲ့ ဆံပင်အဆုံးကို ညှပ်ပေးရပါမယ်။

၃။ ရှေ့ဆံပင်ကို အမောက်ပုံစံလေးလုပ်မယ်


ကိုယ့်ဆံပင်က Bang ပုံစံမဟုတ်ဘဲ အရှည်ဆိုရင် ရှေ့ချထားတဲ့ဆံပင်တွေကို စုပြီး ဆံကေသာအထက်မှာ အမောက်ပုံစံလေးလုပ်နိုင်ပါတယ်။

၄။ ဆံပင်အပြောင်လေးစည်းမယ်


ဆံပင်တွေ အကုန် အပြောင်သိမ်းပြီး စည်းပေးရပါမယ်။ ဦးခေါင်းထိပ်က ဆံသားကို ပုံထဲကအတိုင်း ဖောင်းဖောင်းလေးဖြစ်အောင် လုပ်နို်င်ရင် ပိုထူးခြားပါတယ်။

၅။ ကျစ်ဆံမြီး


ကျစ်ဆံမြီးကျစ်မယ့် ဆံပင်အနည်းငယ်ကို ချန်ခဲ့ပါ။ ပြီးနောက် ကျန်ဆံပင်တွေကို စည်းလိုက်ပါ။ ချန်ထားတဲ့ဆံပင်တွေကို ကျစ်ဆံမြီးကျစ်ပေးပါ။ ပြီးရင်တော့ ဒီကျစ်ဆံမြီးကို ခုဏဆံပင်ထဲ ရောစည်းပေးပါ။

၆။ ကလစ်


ဒါကတော့ အလွယ်ဆုံးပါပဲ။ ကလစ်ကြီးကြီးလေးတွေနဲ့ ဆံပင်ရှည်ကို ညှပ်ပေးတာပါ။ ပုံစံရိုးရိုးထက်စာရင် ကလစ်တပ်လိုက်တာက ပိုချစ်ဖို့ကောင်းသွားစေပါတယ်။

Photo Source: Pinterest

By MyStyle Myanmar