ဆယ်ကျော်သက်လေးတွေရဲ့ အသားအရေက ပျက်စီးမှုလည်းမရှိသေးတဲ့အတွက် နုနယ်တဲ့အသားအရေထဲမှာ ပါပါတယ်။ ဒီလိုအချိန်မှာ အသားအရေ ထိန်းသိမ်းဖို့ Skincare တွေ အများကြီးသုံးစရာ မလိုသေးပါဘူး။ အဓိကလိုအပ်တာလောက်ပဲသုံးပေးရုံနဲ့ အသားအရေကို ထိန်းသိမ်းနိုင်ပါတယ်။ ဒါကြောင့် ဆယ်ကျော်သက် ကောင်မလေးတွေအတွက် အဓိကလိုအပ်တဲ့ အသားအရေထိန်းသိမ်းနည်းနဲ့ ဘယ်လို Skincare Step တွေကိုပဲ သုံးဖို့လိုလဲဆိုတာကို မျှဝေပေးလိုက်ပါတယ်။
Cleansing Step
မျက်နှာအသားအရေအတွက် Cleansing Step ကတော့ ဘယ်လိုအသက်အရွယ်ပဲရောက်ရောက် လိုအပ်ပါတယ်။ မျက်နှာအသားအရေ သူများထက်ကောင်းချင်ရင်တော့ မိတ်ကပ်မလိမ်းလည်း ညဘက်ဆိုရင် Makeup Remover နဲ့ ဖျက်ပြီးမှ မျက်နှာသစ်ဆေးနဲ့ သစ်ပါ။ မနက်ပိုင်းမှာတော့ မျက်နှာသစ်ဆေးတစ်မျိုးပဲ သုံးပါ။
Exfoliate
မျက်နှာမှကပ်နေတဲ့အညစ်အကြေးနဲ့ ဆဲလ်သေတွေကို ဖယ်ရှားနိုင်ဖို့၊ အသားအရေကြည်လင်ပြီး လိမ်းသမျှ Skincare ရဲ့ အာနိသင်ကို အပြည့်အဝရနိုင်ဖို့ တစ်ပတ်တစ်ခါ Exfoliate ပုံမှန်လုပ်ပေးပါ။
Toner Step
Toner Step ကတော့ ကျော်သွားလို့မရပါဘူး။ မနက်၊ ည Toner လိမ်းပေးပါ။ အရမ်းပြင်းတဲ့ Toner တွေ မသုံးပါနဲ့။ ပါဝင်ပစ္စည်းတွေ သေချာကြည့်ပြီးမှ သုံးပါ။
Moisturizer Step
Moisturizer Step ကိုလည်း ကျော်သွားလို့ မရပါဘူး။ Toner ပြီးရင် Moisturizer လိမ်းရပါမယ်။ မနက်၊ ည လိမ်းဖို့ လိုပါတယ်။ အသားအရေက ရေဓာတ်ပြည့်ပြီး စိုပြေနေမှ အသားအရေကောင်းတယ်လို့ ခေါ်ပါတယ်။ အဲ့အတွက် Moisturizer Step က အရမ်းကို အရေးကြီးပါတယ်။
Spot Treatment
ဆယ်ကျော်သက်အရွယ်မှာလည်း ဝက်ခြံတွေ ထွက်တတ်တာမို့ Spot Treatment ကလည်း လိုပါတယ်။ ဝက်ခြံထွက်လာရင် မကလိပါနဲ့။ လက်နဲ့ကလိရင် ဝက်ခြံတွေ ပိုပွားပြီး အမာရွက်၊ အမဲစက်တွေ ကျန်နေပါလိမ့်မယ်။ ဒါကြောင့် ဝက်ခြံနဲ့ ဖုလေးတွေထွက်လာရင် အရေးပေါ်သုံးဖို့ Spot Treatment လေး ဆောင်ထားပါ။
Sunscreen
ဆယ်ကျော်သက်အရွယ်ကစပြီး Sunscreen ကို နေ့တိုင်းသုံးပေးပါ။ အိမ်ထဲမှာနေလည်း အိမ်ထဲကို ပြတင်းပေါက်တွေကနေ နေရောင်ခြည်ဝင်တယ်ဆိုရင် Sunscreen လိမ်းပေးပါ။ ဆယ်ကျော်သက်အရွယ်မှာ မိတ်ကပ်မလိမ်းပဲ အပြင်သွားရင်တောင် Sunscreen လေးပဲလိမ်းပြီး ပေါင်ဒါသုံးတာလောက်က ပိုကောင်းပါလိမ့်မယ်။
Sheet Mask
အနည်းဆုံး တစ်ပတ် တစ်ခါ Sheet Mask လေးတွေ ကပ်ပေးပါ။ အဓိကကတော့ ရေဓာတ်ပြည့်ပြီး အသားအရေစိုပြေဖို့ Hydrating ှSheet Mask လေးတွေကိုရွေးပြီး ကပ်ပေးပါ။ ကပ်နိုင်ရင်တော့ တစ်ပတ်ကို ၂ ကြိမ်ကပ်ပေးတာ အကောင်းဆုံးပေါ့။