ကြည်လင်စိုပြေတဲ့အသားအရေကို ပိုင်ဆိုင်ဖို့ မနက်ပိုင်း Skin Care ဘယ်လိုလုပ်မလဲ

ပျိုမေတို့အားလုံးမင်္ဂလာပါ။ ကြည်လင်စိုပြေတဲ့အသားအရေက မိန်းကလေးတိုင်းရဲ့ အိပ်မက်ပါပဲ။ ဒီလိုအသားအရေကို ရဖို့ အစားအသောက်နဲ့ အသားအရေကို ဂရုစိုက်ပေးရပါတယ်။ ညဘက်မှာ အသားအရေကို ဂရုစိုက်ရမယ်ဆိုတာတော့ ပျိုမေတွေသိပြီးဖြစ်မှာပါ။ မနက်ပိုင်းမှာလည်း တစ်နေ့တာ ထိတွေ့ရမယ့် နေရောင်ခြည်နဲ့ ဖုန်မှုန့်တွေကို သေချာ ကာကွယ်ပေးရပါမယ်။ တစ်နေ့တာလုံး ကြည်လင်စိုပြေတဲ့အသားအရေကို ပိုင်ဆိုင်ဖို့ မနက်ပိုင်းမှာ ဒီလို Skin Care ပေးပါနော်-

၁။ မျက်နှာကို သန့်စင်ပေးပါ

ကိုယ်က ညဘက်မှာ အဆီပါဝင်မှုရှိတဲ့ Skin Care ကိုသုံးထားတယ်ဆိုရင် အဆီဖယ်ရှားတဲ့ မျက်နှာသစ်ဆေးနဲ့ အဆီသေချာဖယ်ရှားပေးသင့်ပါတယ်။

၂။ Toner

အသားအရေထိန်းသိမ်းတဲ့နေရာမှာ တိုနာကို မကျော်သွားသင့်ပါဘူး။ တိုနာက အသားအရေ pH ကို ထိနး်ညှိပေးပါတယ်။ ရေဓာတ်ဖြည့်ပေးပါတယ်။

၃။ Serum

Serum က စျေးကြီးတဲ့အဆင့်လို့ ပြောလို့ရပါတယ်။ နေလောင်ကာ ခရင်အပြင် Antioxidant ကြွယ်ဝတဲ့ Serum လိမ်းပေးသင့်ပါတယ်။ နေ့ခင်းဘက် နေရောင်ခြည်နဲ့ ဖုန်မှုန့်တွေ၊ ဘတ်တီးရီးယားပေါက်ပွားနေတဲ့ Phone Screen က တစ်ဆင့်မျက်နှာကို ထိမိတာ စသဖြင့် အသားအရေကို ထိခိုက်စေတဲ့အရာတွေရှိပါတယ်။ ဒီအရာတွေအတွက် Serum ကိုလိုအပ်ပါတယ်။

၄။ Eye Cream

မျက်ကွင်းညိုတာ၊ မျက်လုံးအောက်မှာ အဆီဖုသေးသေးလေးတွေဖြစ်တာ၊ အရေးအကြောင်းတွေကို ဖယ်ရှားဖို့ Eye Cream ကို လိုအပ်ပါတယ်။ Eye Cream ကိုမနက်ပိုင်း ပုံမှန်လိမ်းသင့်ပါတယ်။

၅။ Moisturizer

အသားအရေဂရုစိုက်မှုဖြစ်စဉ်မှာ Moisturizer ကို မရှိမဖြစ်လိုအပ်ပါတယ်။ ရေဓာတ်ပုံမှန်ဖြည့်ပေးဖို့ မနက်ပိုင်းမှာ Moisturizer လိမ်းပေးသင့်ပါတယ်။

၆။ Sun Protection

ဒါကတော့ နောက်ဆုံးအရေးကြီးတဲ့အဆင့်ပါပဲ။ အပြင်မသွားခင် နာရီဝက်အလိုလောက်တည်းက Sunscreen လိမ်းပေးရပါမယ်။ SPF 50 လောက်ရှိတဲ့ Sun Cream တွေကို သုံးပေးသင့်ပါတယ်။