ချစ်စ ခင်စ ကြင်နာစ အချိန်တွေက ကြည်နူးစရာအကောင်းဆုံးအချိန်တွေပါပဲ။ နေ့ရက်တိုင်းက ကိုရီးယားအချစ်ဇာတ်လမ်းလေးလိုပဲ ရင်ခုန်စရာတွေ အပြည့်ပါပဲ။ ဒါပေမဲ့ ချစ်သူသက်တမ်းက နှစ်ရှည်လများကြာလာတဲ့အခါမှာတော့ တစ်ယောက်နဲ့တစ်ယောက် စိတ်ဝင်စားမှုလျော့သွားပြီး အချစ်တွေလည်း တဖြည်းဖြည်း မှေးမှိန်ပျောက်ကွယ်သွားတတ်ပါတယ်။ တစ်ယောက်နဲ့တစ်ယောက် အရင်လို ဂရုမစိုက်အားတော့ဘဲ နေ့စဉ်ဘဝထဲမှာပဲ လုံးလည်ပတ်ချာလိုက်လာပါတော့တယ်။

အဲ့ဒီအချိန်မှာ သင်တို့ရဲ့ အချစ်ကို အရင်လို နွေးနွေးထွေးထွေးပြန်ဖြစ်သွားအောင် ပြုလုပ်ပေးဖို့ လိုနေပါပြီ။ ဘယ်လိုနည်းလမ်းလေးတွေ အသုံးပြုရမလဲဆိုတာ ဆက်ဖတ်ကြည့်လိုက်ရအောင်။

သင့်ရဲ့ ချစ်သူကို ချီးမွမ်းစကားဆိုပါ

Source: Shutterstock

လူတိုင်းက ချီးမွမ်းခံရတာကို ကြိုက်နှစ်သက်ကြပါတယ်။ ကိုယ့်ချစ်သူက ကိုယ့်ကို ချီးမွမ်းမယ်ဆိုရင် ပိုလို့တောင် ပျော်ရွှင်တတ်ကြပါတယ်။ မကောင်းမြင်စိတ်နဲ့ ဝေဖန်ပြစ်တင်နေမယ့်အစား ချစ်တဲ့စိတ်နဲ့ ချီးကျူးပေးမယ်ဆိုရင် သင့် အနားမှာနေရတာ ပျော်ရွှင်သထက် ပျော်ရွှင်လာတာကြောင့် သင့်အကြောင်းလေးပဲ တစ်ချိန်လုံး စဉ်းစားမိနေမှာဖြစ်ပါတယ်။

ပထမဦးဆုံး ဒိတ်လုပ်တဲ့အကြောင်းလေးတွေကို ပြန်ပြောင်းပြောပြပါ

Source: Shutterstock

သင်တို့ ပထမဦးဆုံး တွေ့ဆုံတုန်းက နှစ်ဦးသားလုံး ရင်ခုန်သံမြန်နေမှာကတော့ ပြောစရာလိုမယ်မထင်ပါဘူး။ ကြည်နူးစရာကောင်းတဲ့ အမှတ်တရလေးတွေကို ပြန်လည်တူးဖော်ခြင်းက သင်တို့ရဲ့ အချစ်ရေး ခိုင်မြဲသထက် ခိုင်မြဲလာအောင် ပိုမိုနွေးထွေးလာအောင် ကူညီပေးပါလိမ့်မယ်။

လေ့ကျင့်ခန်း အတူတူလုပ်ပါ

Source: wellandgood.com

သွားအတူ၊ လာအတူ၊ မုန့်စား အတူတူဆိုရင် လေ့ကျင့်ခန်းကိုရော ဘာလို့ အတူတူမလုပ်နိုင်ရမှာလဲ။ လေ့ကျင့်ခန်းပြုလုပ်ခြင်းက ကျန်းမာတဲ့ခန္ဓာကိုယ်နဲ့ တက်ကြွတဲ့စိတ်အာရုံကို ပေးစွမ်းနိုင်ပါတယ်။ စုံတွဲလိုက် လေ့ကျင့်ခန်း အတူတူလုပ်ဖြစ်တဲ့အခါ တစ်ယောက်နဲ့ တစ်ယောက် ကူညီဖေးမနိုင်ပြီး နားလည်မှုလည်း ပိုမိုထားရှိလာနိုင်မှာပဲဖြစ်ပါတယ်။ တစ်ခုရှိတာကတော့ Gym သွားပြီး လေ့ကျင့်ခန်းသွားလုပ်နေတာထက် စုံတွဲလိုက်ကြီး ဘေးပတ်ဝန်းကျင်ကလူတွေ မျက်စိနောက်စရာကောင်းလောက်အောင် အကဲပိုနေတာမျိုးကိုတော့ ရှောင်ကြဉ်သင့်ပါတယ်။

သင့် ချစ်သူကို အံ့အားသင့်သွားအောင် စပရိုက်တိုက်ပါ

Source: Shutterstock

စပရိုက် အချိုရည်တိုက်ခိုင်းတာ မဟုတ်ပါဘူးနော်။ သူ ထင်မှတ်မထားဘဲ ပျော်ရွှင်သွားအောင် အံ့အားသင့်စေမယ့် စပရိုက်မျိုး လုပ်ခိုင်းတာပါ။ ကိုယ့်ချစ်သူကို ပျော်ရွှင်အောင် လုပ်ပေးတာ ယောကျာ်းလေးမှ မိန်းကလေးမှ မခွဲထားပါဘူး။ တန်ဖိုးနည်းတယ်၊ များတယ် ပဓာနမထားဘဲ ကိုယ်လုပ်တတ်တဲ့အရာလေးနဲ့ စပရိုက်ဖြစ်သွားအောင် လုပ်ပေးလိုက်ပါ။

စတိုင်လ်ကျကျနဲ့ ပြင်ပြင်ဆင်ဆင် ဝတ်စားသွားလာပါ

Source: Shutterstock

ချစ်သူသက်တမ်းအစတုန်းကတော့ ဘယ်နေရာပဲသွားသွား မိတ်ကပ်လေး လှလှလေးလိမ်းပြီး အဝတ်အစားလှလှလေးဝတ်သွားတယ်။ ရည်းစားသက်တမ်းကြာတော့မှ ပြင်ပြင်ဆင်ဆင်မနေဘူးဆိုရင်တော့ မဟုတ်သေးပါဘူး။ လူတိုင်းက အလှအပကြိုက်ကြပါတယ်။ မပြင်မဆင်ဘဲ ထွက်တွေ့တယ်ဆိုလည်း တစ်ခေါက်၊ နှစ်ခေါက်ဆို လုံလောက်ပါပြီ။ ရုပ်လှလို့ ချစ်တာမဟုတ်ဘူးလို့ ပြောနေပေမယ့် ဘယ်အရာကမှ အာမခံချက်မရှိဘူးဆိုတာ မမေ့လိုက်ပါနဲ့။ အခုခေတ်မှာ စနှိုက်မလေးတွေကလည်း ခပ်ပေါပေါရယ်။