သင်က အတွန့်အတက်တွေ၊ ထူထူထဲထဲ ဝတ်စုံတွေကို မနှစ်သက်ဘဲ ပေါ့ပေါ့ပါးပါး ဖြစ်တာကိုပဲ နှစ်သက်သူဆိုရင် Casual Outfit တွေကို နှစ်သက်သူလို့ ပြောလို့ရပါတယ်။ မိန်းကလေးတိုင်း စတိုင်ကျကျ လှချင်သူတွေချည်းပဲ မို့လို့ ကိုယ်ကြိုက်တဲ့ Fashion Style အလိုက် မဖြစ်မနေ ပိုင်ဆိုင်ထားသင့်တဲ့ Fashion Pieces တွေ ရှိပါတယ်။ ဒီတစ်ခေါက်မှာတော့ Casual Outfit ကို နှစ်သက်တဲ့ ပျိုမေတိုင်းမှာ ရှိထားသင့်တဲ့ Fashion Item တွေကို ဖော်ပြပါရစေ။
၁။ အဖြူရောင် ရှပ်
အဖြူရောင်ရှပ်ကို တစ်ထည်တည်း ဝတ်နိုင်သလို အပေါ်ထပ် အနေနဲ့ပါ ဝတ်ဆင်နိုင်ပါတယ်။
၂။ အဖြူရောင် တီရှပ်
ဂျင်းအပြာအရှည်နဲ့ ရိုးရိုးရှင်းရှင်း အဖြူရောင် တီရှပ်ကို Casual type နှစ်သက်သူတိုင်း သဘောကျ ကြပါတယ်။
၃။ အနက်ရောင်တီရှပ်
ဒီအရောင်ကလည်း အဖြူရောင်လိုပဲ အရောင်တိုင်းနဲ့ လိုက်ဖက်တာမို့ မဖြစ်မနေ ဆောင်ထားသင့်ပါတယ်။
၄။ အဖြူရောင် Blouse
ဒီအဖြူရောင် Blouse ကလည်း ပေါ့ပေါ့ပါးပါး သမားတွေအတွက် လိုအပ်ပါတယ်။
၅။ အင်္ကျီလက်ပြတ်
အသားရောင်၊ အညိုရောင် အင်္ကျီလက်ပြတ်တွေကို Casual ကြိုက်ရင် ဆောင်ထားသင့်ပါတယ်။
၆။ ဂျင်းဘောင်းဘီရှည်
သင်က ရိုးရိုးရှင်းရှင်း ပေါ့ပေါ့ပါးပါးသမား ဆိုရင်တော့ ဂျင်းဘောင်းဘီရှည် တစ်ထည်က မရှိမဖြစ်ပါပဲ။
၇။ အနက်ရောင် ဘောင်းဘီ
ဂျင်းဘောင်းဘီလိုပဲ အနက်ရောင် ဘောင်းဘီကိုလည်း လိုအပ်ပါတယ်။
၈။ Nude Pants
Nude Pant အပွကလည်း အပေါ် အင်္ကျီတိုင်းနဲ့ လိုက်ဖက်ပါတယ်။
၉။ စကပ်
သင့်အနေနဲ့ ကိုယ်ကြိုက်တဲ့ အရှည်ရှိတဲ့ စကပ် အနက်တစ်ထည်ကို ပိုင်ဆိုင်သင့်ပါတယ်။
၁၀။ ဂါဝန်
ဂါဝန်ရှည်တွေကလည်း ပေါ့ပေါ့ပါးပါး သမားတွေနဲ့ သင့်တော်ပါတယ်။
၁၁။ Blazer/ Jacket
အနက်ရောင် Blazer ကလည်း ဆောင်ထားသင့်တဲ့အထဲ ပါဝင်ပါတယ်။
၁၂။ အိတ်
အိတ်ထဲမှာမှ အနက်ရောင် အိတ်က Casual Outfit တိုင်းနဲ့ လိုက်ဖက်ပါတယ်။
၁၃။ Nude Shoe/ Heels
Nude ရောင် ဖိနပ်၊ ဒေါက်ဖိနပ်တွေကို ဖိနပ်အများကြီး မဝယ်ချင်တဲ့ ပျိုမေတို့ ဝယ်ထားသင့်ပါတယ်။
၁၄။ အဖြူရောင် Sneaker
သင်က ရိုးရိုးရှင်းရှင်း ဝတ်ရတာ နှစ်သက်သူမို့ အဖြူရောင် Sneaker ကို လိုအပ်မှာပါ။
Photo Source: Pinterest
By MyStyle Myanmar
