Waterproof Mascara တွေသုံးပြီး မျက်လုံးနဲ့မျက်တောင်ထိခိုက်မှုမရှိအောင် သေချာဖျက်နည်း

Waterproof Mascara တွေသုံးပြီး သေချာပြောင်အောင်မဖျက်ရင် မျက်တောင်ကျွတ်တာ၊ မျက်လုံးနားတစ်ဝိုက် အသားအရေ ပျက်စီးတာမျိုးတွေ ဖြစ်စေပါတယ်။ ဖျက်တဲ့အခါမှာလည်း အရမ်းပွတ်ပြီးဖျက်တာမျိုးတွေလုပ်ရင် မျက်လုံးနားတစ်ဝိုက်၊ မျက်ခွံတွေစပ်တာမျိုး၊ အသားအရေပျက်စီးစေတာမျိုး၊ မျက်တောင်ကျွတ်တာမျိုးတွေ ဖြစ်နိုင်ပါတယ်။ ဒါကြောင့် Waterproof Mascara တွေသုံးပြီး မျက်လုံးနဲ့မျက်တောင်ကို ထိခိုက်မှုမရှိအောင် သေချာဖျက်နည်းကို မျှဝေပေးလိုက်ပါတယ်။

Eye Makeup Remover

Waterproof Mascara နဲ့ Waterproof Eyeliner တွေသုံးရင်တော့ Eye Makeup Remover လည်း ဆောင်ထားသင့်ပါတယ်။ ရိုးရိုး Makeup Remover ထက်စာရင် Eye Makeup Remover နဲ့ဖျက်တာက ပိုပြီး Safe ဖြစ်သလို အကုန်လုံးကိုလည်း သေချာပြောင်အောင် အလွယ်တကူ သန့်စင်ပေးနိုင်ပါတယ်။

Baby Shampoo

Eye Makeup Remover မရှိရင် Baby Shampoo ကိုသုံးပြီးတော့လည်း Waterproof Mascara တွေကို အလွယ်တကူ ဖျက်လို့ရပါတယ်။

Cold Cream

Cold Cream ကိုယူပြီး မျက်ခွံပေါ်နဲ့ မျက်တောင်ကို အသာလေးပွတ်ပေးပါ။ Mascara တွေ အရည်ပျော်လာတာကို တွေ့ရပါလိမ့်မယ်။ ပြီးရင်တော့ Cotton Pad နဲ့ ပွတ်ပေးလိုက်ရုံပါပဲ။ ဒီနည်းလမ်းနဲ့လည်း Waterproof Mascara တွေကို ဖယ်ရှားနိုင်ပါတယ်။

အုန်းဆီ

Cotton Pad ထဲကို အုန်းဆီထည့်ပြီး မိတ်ကပ်ဖျက်သလိုပဲ Waterproof Mascara တွေကို ဖျက်လို့ရပါတယ်။ ဒီနည်းလမ်းကတော့ အရိုးရှင်းဆုံးနဲ့ အလွယ်ကူဆုံးပါပဲ။ အဆီဖြစ်တာကြောင့် ပြီးရင်တော့ အဆီတွေပြောင်အောင် Cleanser နဲ့ သေချာသစ်ပေးဖို့လိုပါတယ်။

သံလွင်ဆီ

သံလွင်ဆီကို လက်ချောင်းလေးတွေနဲ့ယူပြီး မျက်တောင်တွေကို လက်ချောင်းလေးတွေနဲ့ပဲ ဖြေးဖြေးချင်း ပွတ်ပေးမယ်ဆိုရင်တော့ Mascara တွေ အရည်ပျော်သွားမှာပါ။ ပြီးမှ Cotton Pad နဲ့ ပွတ်ပေးလိုက်ရုံပါပဲ။