Chlorine က ဆံသားကို ပျက်စီးစေပါတယ်။ အထူးသဖြင့် ရေကူးကန်တွေမှာ chlorine အမြဲထည့်ထားတဲ့အတွက် ရေကူးတဲ့အခါ ဆံသားပျက်စီးတာမျိုးတွေ၊ ဆံပင်ကျွတ်တာမျိုးတွေ ဖြစ်စေပါတယ်။ ဒီလို chlorine ကြောင့် ဆံသားပျက်စီးတာမျိုးမဖြစ်အောင် ကြိုတင်ကာကွယ်နိုင်မယ့် နည်းလမ်းတွေကို မျှဝေပေးလိုက်ပါတယ်။

Oil

ရေကူးကန်ထဲမဆင်းခင်မှာ အုန်းဆီ (သို့) သံလွင်ဆီကို ဆံသားမှာလိမ်းပေးပြီးမှ ဆင်းမယ်ဆိုရင်တော့ ဆံသားထိခိုက်ပျက်စီးမှု နည်းစေပါတယ်။

Fresh water

ရေကူးကန်ထဲမဆင်းခင် ခေါင်းကို fresh water နဲ့ အရင်လောင်းထားပါ။ ဒါဆိုရင်တော့ ရေကူးကန်ဆင်းတဲ့အခါမှာ ဆံသားက chlorine ကို စုပ်ယူမှုလျော့သွားပါတယ်။ ရေကူးပြီး ပြန်တက်တဲ့အခါမှာလည်း ခေါင်းကို fresh water နဲ့ ပြန်လောင်းပေးမှ chlorine ကို ဖယ်ရှားပစ်နိုင်မှာပါ။

Sunscreen

မျက်နှာကို နေရောင်ခြည်ဒဏ်ကနေကာကွယ်ဖို့ sunscreen လိမ်းသလိုပဲ ဆံပင်ကိုလည်း sunscreen သုံးပေးရပါမယ်။ ရေကူးကန်ထဲဆင်းတဲ့အခါ ဆံသားအတွက် sunscreen မသုံးရင် နေရောင်ခြည်လည်းထိ၊ chlorine လည်းထိနဲ့ ဆံသားပျက်စီးမှု ပိုဖြစ်စေပါတယ်။

Swimming cap

ဆံပင်ကို chlorine လုံးဝမထိချင်ရင် swimming cap ဆောင်းပြီးကူးပါ။ ဒါကတော့ စိတ်ချရပါတယ်။ Swimming cap မဆောင်းချင်ရင်တော့ အပေါ်ကနည်းလမ်းတွေကိုသုံးမှ ဆံသားထိခိုက်ပျက်စီးမှု မရှိမှာပါ။

Shampoo

ရေကူးပြီးရင် ခေါင်းပြန်လျှော်ရပါမယ်။ Chlorine ကြောင့် ဆံသားက အရမ်းခြောက်သွေ့ပြီး ကြမ်းသလိုမျိုးဖြစ်သွားတဲ့အတွက် ခေါင်းလျှော်တဲ့အခါမှာ shampoo ကို dry hair, damaged hair အတွက် ထုတ်ထားမျိုး ရွေးသုံးပေးပါ။

Conditioner

ခေါင်းလျှော်တဲ့အခါမှာ chlorine ကြောင့် ဆံသားပျက်စီးတာ သက်သာစေဖို့၊ ဆံသားနူးညံ့ပျော့ပြောင်းစေဖို့ conditioner ကိုလည်း ပြန်သုံးပေးဖို့ မမေ့ပါနဲ့။