တန်ဖိုးကြီး ပေးဝယ်ထားတဲ့ အဝတ်အစားတွေ အသုံးအဆောင်တွေကို ရိုရိုသေသေ သိမ်းတယ်ဆိုတာ အမျှော်အမြင်ရှိပြီး စည်းကမ်းကောင်းတဲ့ သူတွေရဲ့ အကျင့်ပါ။ တကယ်လို့ ကိုယ်ဝယ်ထားတဲ့ အဝတ်အစားတွေ ဘယ်လို ကောင်းကောင်းမွန်မွန် သိမ်းရမလဲ အတွေးခက်နေရင် အခုပြောမယ့် အချက်ကလေးတွေက အကူအညီ ဖြစ်ပါလိမ့်မယ်။
(၁) ခေါက်ရမယ့် အဝတ်အစားတွေ ခေါက်သိမ်းထားပါ
တစ်ချို့အဝတ်အစားတွေက ဗီရိုထဲမှာ ခေါက်သိမ်းထားရမယ့် အဝတ်အစားတွေပါ။ ဆွယ်တာတွေဆိုရင် အင်္ကျီချိတ်မှာ ချိတ်ထားရင် ကျယ်လာပြီး ပုခုံးပုံကျ ပျက်သွားတတ်ပါတယ်။ အဲဒီလို ဆွယ်တာတွေ ၊ ဝါချည်နဲ့ ရက်ထားတဲ့ အင်္ကျီတွေဆိုရင် မီးပူထိုးပြီး ခေါက်သိမ်းထားတာ အမှန်ဆုံးပါပဲ။
(၂) ချိတ်မှာ လှမ်းထားရမယ့် အဝတ်အစားတွေ ရွေးထုတ်ပါ
Formal Wear တွေ ဖြစ်တဲ့ ကုတ်တို့ ရှပ်နဲ့ Pants တွေက နေ့တိုင်း ဝတ်ဖြစ်တဲ့ ဝတ်စုံတွေ မဟုတ်ပါဘူး။ Suit တွေကို Garment Bag တစ်ခုနဲ့ ထုတ်ပြီး ချိတ်ထားသင့်ပါတယ်။ တန်ဖိုးကြီး ပွဲတက်ဝတ်စုံတွေကို ချိတ်မှာ ချိတ်ပြီး ဖုန်မတင်အောင် ဗီရိုမှာ ထည့်သိမ်းသင့်ပါတယ်။
(၃) ဖိနပ်နဲ့ အသုံးအဆောင်များ
Shoes တွေ Sneaker တွေကို အထူးသဖြင့် လယ်သာရှုးစ်တွေကို တိုက်ရိုက်နေရောင်ခြည်အောက်မှာ မထားသင့်ပါဘူး။ ဖိနပ်တွေ ရေစိုနေရင်လည်း သဘာဝအတိုင်း လေနဲ့ နေနဲ့ သလပ်ပြီး အခြောက်ခံရမှာပါ။ လုံးဝ ခြောက်ပြီ ဆိုရင်တော့ သီးသန့်ဖိနပ်စင်မှာ တင်ထားနိုင်ပြီ ဖြစ်ပါတယ်။
