ကင်မရာရှေ့ ဓာတ်ပုံရိုက်နေကျ သူတစ်ယောက်မဟုတ်ဘူးဆိုရင် သင်က ဓာတ်ပုံရိုက်တဲ့အချိန် အူကြောင်ကြောင်ဖြစ်နေနိုင်ပါတယ်။ ဥပမာ- ကင်မရာကို ကြည့်ပြီး ပြုံးတဲ့အခါ မျက်လုံးက အသက်မဝင်တာမျိုး၊ မပြုံးမရယ်တတ်ဘဲ တောင့်တောင့်ကြီး ဖြစ်နေတတ်ပါတယ်။ ပထမဆုံး ခန္ဓာကိုယ်ကို မတောင့်ထားဘဲ ပုံမှန်အတိုင်း စိတ်လျှော့ပြီးပို့စ်ပေးပါလို့ အကြံပေးပါရစေ။ ဒုတိယအချက်အနေနဲ့ ကင်မရာကို မကြည့်ဘဲ ဘယ်လိုပို့စ်ပေးနိုင်မလဲ နည်းလမ်းတွေကို သိထားသင့်ပါတယ်။ ဒီတစ်ခေါက်မှာတော့ ပို့စ်ပေးနည်းတွေကို ဖော်ပြပေးလိုက်ပါတယ်။
၁။ ခါးထောက်ပြီး ဘေးဘက်ငေးနေတဲ့ပုံစံ
ဒီပုံစံက သင့်ကို စမတ်ကျစေပြီး ကင်မရာကို ကြည့်စရာမလိုတော့ပါဘူး။ သင်ကပြုံးတတ်မယ်ဆိုရင် ဘေးဘက်ကြည့်ပြီး ပြုံးနေတာကလည်း သဘာဝကျပါတယ်။
၂။ ထိုင်ခုံတစ်ခုံမှာ ထိုင်ပြီး ဘေးဘက်ကြည့်နေတာ
သင်က မတ်တပ်ရပ်ရတာ တောင့်တောင့်ကြီး ဖြစ်နေတယ်ဆိုရင် ခုံတစ်ခုံပေါ်မှာ ထိုင်ပြီး ဘေးဘက်ကြည့်နေတာမျိုး ကြိုးစားကြည့်နိုင်ပါတယ်။
၃။ ဆံပင်သပ်နေတဲ့ပုံစံ
ဆံပင်ကို သဘာဝကျကျ ကိုင်ထားပြီး သင့်မျက်နှာကို ဖုံးနိုင်ပါသေးတယ်။
၄။ လမ်းလျှောက်သွားတဲ့ပုံစံ
အောက်ကို ငုံ့ပြီး လမ်းလျှောက်နေတဲ့ပုံစံလေးက သင့်ကို ကဗျာဆန်ဆန် လှနေစေမှာပါ။
၅။ လက်ထောက်ပြီး တစ်ဘက်ငေးနေတဲ့ပုံစံ
မေးစေ့အောက် လက်ထောက်ထားပြီး တခြားဘက်ကြည့်နေတာကလည်း သင့်အတွက် ကင်မရာကို ကြည့်စရာမလိုတော့ပါဘူး။
၆။ ဘေးတစ်စောင်းပုံ
ကင်မရာလုံးဝ ကြည့်စရာမလိုတဲ့ ဘေးတစ်စောင်း Portrait ပုံတွေကလည်း သင်နဲ့ အဆင်ပြေမှာပါ။ ကိုယ်နဲ့ ပိုလှတဲ့ မျက်နှာဘက်ခြမ်းကိုတော့ သိဖို့ လိုအပ်ပါတယ်။
Photo Source: Pinterest
By MyStyle Myanmar