ဖိနပ်ဝယ်မယ်ဆို ဖိနပ် Size မှန်ဖို့ အရေးကြီးပါတယ်။ ဖိနပ်ကို အွန်လိုင်းကနေ မှာယူရတာ အဆင်ပြေပေမယ့် Size မှားလို့အဆင်မပြေရင် တကယ်စိတ်ညစ်ရပါတယ်။ ဒါဆို အိမ်မှာ ဖိနပ် Size ကို ဘယ်လိုတိုင်းရမလဲ ?
- တစ်နေကုန်အပြင်သွားတဲ့အခါ ခြေထောက်က ဖောရောင်တတ်သောကြောင့် ညနေခင်းက ခြေဖဝါးကို တိုင်းဖို့ အကောင်းဆုံးအချိန်ပါ။ ခြေဖဝါးကိုတိုင်းဖို့ စာရွက်တစ်ရွက်၊ ဘောပင်၊ ပေတံနဲ့ နံရံလိုပါတယ်။
- နံရံနဲ့ကပ်ပြီး ကြမ်းပြင်ပေါ်မှာ စာရွက်တစ်ရွက်တင်ပါ။ ခြေဖနောင့်ကို နံရံနဲ့ထိပြီး စာရွက်ပေါ်တင်ပါ။ ခြေဖဝါးနှစ်ဖက်ကို တည့်တည့်မတ်မတ်ရပ်ပါ။
- ဘောပင်နဲ့ခြေထောက်ပတ်ပတ်လည်ကို ဆွဲလိုက်ပါ။ နောက်တစ်ဖက်က်ိုလည်း အတူတူလုပ်ပေးပါ။
- ခြေထောက်နှစ်ဖက်လုံးရဲ့ ထိပ်ကနေအဆုံးထိ အရှည်ဆုံးအရှည်ကို တိုင်းယူပါ။ ပြီးမှ ခြေထောက်ရဲ့ အကျယ်ကို တိုင်းတာပါ။
- ဒါဆို မှန်တဲ့ ဖိနပ် Size ကို ရပါပြီ။
