သင့်ရဲ့ ဆံကေသာ အလှတရားဟာ သင့်ရဲ့ ရုပ်သွင်ပြင်အပေါ် အများကြီးသက်ရောက်မှုရှိပါတယ်။ ဆံကေသာအလှတရားဟာ မိန်းကလေးတွေအတွက်တော့ တန်ဖိုးထားမြတ်နိုးရတဲ့ အလှတရားတစ်ခုပါပဲ။
အမျိုးသမီးတွေ ဘာလို့ ဆံပင်မသန်ရသလဲဆိုတဲ့အကြောင်းအရင်းကို အရင်ပြောချင်ပါတယ်။
၁။ မျိုးရိုး၊ ၂။ ဓာတုပစ္စည်းများသုံးခြင်း၊ ၃။ အပူပေးစက်တွေလွန်ကဲစွာသုံးခြင်း ၊ ၄။ ပရိုတင်းဓာတ်စားသုံးမှု နည်းခြင်း ၊ ၅။ ဟော်မုန်းမညီမျှခြင်း၊ ၆။ အစာအဟာရ ညီညွတ်မျှတအောင်မစားခြင်း စတာတွေကြောင့်ပါ။
ဆံကေသာကို သန်စွမ်းလာစေဖို့ သဘာဝနည်းလမ်းတွေကတော့
၁။ အုန်းဆီ
အုန်းဆီက ဆံကေသာအတွက် ကောင်းတယ်ဆိုတာ ကျွန်မတို့ အားလုံးသိကြပါတယ်။ ဒါပေမယ့် ထိထိရောက်ရောက်သုံးလေ့မရှိပါဘူး။ ဆံကေသာ သန်စွမ်းစေဖို့ အုန်းဆီကို အမြဲတမ်းလိမ်းထားဖို့မလိုပါဘူး။
အုန်းဆီ စားပွဲတင်ဇွန်း ၂ ဇွန်းကို အပူပေးလိုက်ပါ။ ခပ်နွေးနွေးလေးဖြစ်နေချိန်မှာ ဆံပင်အရင်းကနေ အဖျားထိလိမ်းပေးလိုက်ပြီး နာရဝက်လောက် ပေါင်းထားပေးပါ။ ပြီးရင် ခေါင်းလျှော်ရည် ပေါင်းဆေးတို့နဲ့ လျှော်ချလိုကပါ။
၂။ ကြက်ဥ (သို့) နို့
ကြက်ဥနဲ့ နွားနို့တွေမှာ ပရိုတင်းဓာတ်ကြွယ်ဝစွာပါဝင်လို့ ဆံကေသာကို အာဟာရဖြည့်ပေးပြီး သန်စွမ်းစေပါတယ်။
အဆီပါတဲ့ နို့ စားပွဲတင်ဇွန်း ၃ ဇွန်း (သို့) ကြက်ဥ ၁ လုံး (သို့) ၂ လုံး လိုပါတယ်။ သင့်ဆံပင် အထူအပါး ၊ အရှည်အတိုပေါ် မူတည်ပြီး သုံးပေးပါ။ ပြီးရင် ဆံပင်အရင်းကနေ အဖျားထိလိမ်းပေးပြီး ၅ မိနစ်လောက် နှိပ်နယ်ပေးပါ။ ၂ နာရီလောက်ထားပြီး ခေါင်းလျှော်ရည် နဲ့ လျှော်ချလိုက်ပါ။
