မျက်မှေးလေးတွေကို မျက်ဝိုင်းလေးဖြစ်သွားအောင် လုပ်ပေးနိုင်မယ့်အရာက ဘာတွေလဲ

မျက်လုံးမှေးတဲ့သူတွေအနေနဲ့ အလှပြင်တဲ့အခါမှာ မျက်လုံးကို သေချာလေးခြယ်သပေးမယ်ဆိုရင် မျက်လုံးလေးဝိုင်းကြီး ပုံမှန်ထက်ပိုကြီးသွားသလိုဖြစ်အောင် လုပ်လို့ရပါတယ်။ အဓိကကတော့ မျက်လုံးကို ခြယ်သတဲ့အချိန်မှာ ဘယ်လိုလုပ်ရမယ်ဆိုတာ သိဖို့ပဲလိုပါတယ်။

ဒါကြောင့် မျက်လုံးမှေးမှေးလေးတွေကို မျက်လုံးကြီးသလိုဖြစ်သွားအောင် လုပ်ပေးနိုင်မယ့်အရာက ဘာတွေလဲဆိုတာ ကြည့်လိုက်ရအောင်။

မျက်ခုံးကို သေချာပုံသွင်းပါ။

မျက်ခုံမွှေးကို သေချာပုံသွင်းပေးမှ မျက်လုံးလေးပိုပေါ်မှာပါ။ မျက်ခုံမွှေးပုံမသွင်းထားရင် တစ်ခုခုလိုနေသလိုဖြစ်ပြီး မလှဘူးနော်။

Source: www.haarentfernung.net

မျက်တောင်ကို သေချာကော့ပေးဖို့ မမေ့ပါနဲ့။

မျက်တောင်ကို ဒီတိုင်း Mascara နဲ့ တန်းမကော့ပဲ မျက်တောင်ကော့တံလေးနဲ့ အရင်ကော့လိုက်ပါ။ ပြီးမှ Mascara နဲ့ ထပ်ကော့ပါ။ ဒါမှ မျက်တောင်ကပိုကော့ပြီး မျက်လုံးကျယ်သွားသလို ဖြစ်စေမှာနော်။

Source: www.womensok.com

မျက်ကွင်းညိုတာတွေကို ဖုံးပေးပါ။

မျက်ကွင်းညိုနေရင် လုံးဝမလှပါဘူး။ မျက်လုံးမှေးတဲ့သူဆိုရင် ကိုယ့်မျက်လုံးလေးပိုပေါ်ပြီး ကြီးသယောင်ဖြစ်ဖို့ မျက်ကွင်းညိုတာအတွက် Concealer ဖုံးပေးပါ။

Source: www.huffingtonpost.com.au

Eyeshadow အရောင်လင်းတာလေးတွေ ခြယ်ပါ။

Eyeshadow မခြယ်ပဲမနေပါနဲ့။ Eyeshadow အရောင်လင်းတာလေးတွေကို ခြယ်ပေးမှ မျက်လုံးလေးပိုပေါ်ပြီး မှေးမှန်း မသိသာစေမှာပါ။

Source: www.stylo.grid.id

Shimmer or Glitter သုံးပေးပါ။

Shimmer တို့ Glitter တို့က အလက်လက်လေးတွေဖြစ်လို့ မျက်လုံးထောင့်မှာပဲဖြစ်ဖြစ်၊ မျက်ခွံမှာပဲဖြစ်ဖြစ် ခြယ်ပေးလိုက်ရင် မျက်လုံးလေးလင်းပြီး ပိုပေါ်လွင်စေသလို အရမ်းလည်းလှပါတယ်။

Source: Source: www.m.en.stylenanda.com

Eyeliner ဆိုးပေးပါ။

မျက်လုံးကျယ်ချင်ရင်၊ မျက်လုံးလေးပိုပေါ်ပြီး ကြီးနေသလိုလေးဖြစ်ချင်ရင် Eyeliner ကို မဖြစ်မနေဆိုးပေးပါ။ အရမ်းကြီးမဆိုးပဲ Eyeliner ကို မျက်တောင်နားကပ်ပြီး တစ်ကြောင်းထဲ ပါးပါးလေးဆွဲပေးပါ။

Source: today.line.me

အဖြူရောင် Pencil Liner သုံးပေးပါ။

မျက်ခမ်းစပ်နားမှာ အဖြူရောင် Pencil Liner လေးခြယ်ပေးရင် မျက်လုံးကို ပုံမှန်ထက် ပိုကြီးပြီး ဝိုင်းသွားစေပါတယ်။

Source: www.womensok.com

Eyeliner ကို မျက်လုံးအောက်ပါခြယ်ပေးပါ။

မျက်လုံးဝိုင်းဝိုင်းလေးနဲ့ ပိုကြီးသွားချင်တယ်၊ မျက်ဝန်းနက်နက်လေးဖြစ်ချင်တယ်ဆိုရင်တော့ Eyeliner ကို မျက်လုံးအောက်မှာပါ ဆွဲပေးလိုက်လို့ရပါတယ်။ အရမ်းအများကြီးခြယ်တာမျိုးထက် ပါးပါးလေးပဲခြယ်ပေးဖို့တော့လိုပါမယ်။