လက်သည်းနီခဏခဏဆိုးတာများရင်လည်း လက်သည်းဝါညစ်ညစ်ကြီးနဲ့ မလှမပတွေဖြစ်နေတတ်ပါတယ်။ လက်သည်းဝါနေလို့ဆိုပြီး လက်သည်းနီကိုအမြဲဆိုးတာကလည်း မကောင်းပါဘူး။ တစ်ပတ်တစ်ရက်လောက်တော့ လက်သည်းကို ဘာမှမဆိုးပဲ ထားသင့်ပါတယ်။
လက်သည်းတွေကို သဘာဝအတိုင်းပြန်ဖြူလာအောင် လုပ်လို့ရတဲ့ သဘာဝနည်းလမ်းလေးတွေကို ဖော်ပြပေးချင်ပါတယ်။ အဓိကကတော့ စိတ်ရှည်ပြီး အချိန်ယူဂရုစိုက်ပေးဖို့ပဲ့ လိုပါတယ်။
သံပယိုသီးနဲ့ မုန့်ဖုတ်ဆိုဒါ
လုပ်ရမယ့်ပုံစံကတော့ ပန်းကန်လုံးထဲကို မုန့်ဖုတ်ဆိုဒါ – စားပွဲတင်ဇွန်း ၂ ဇွန်းနဲ့ သံပယိုသီးတစ်ခြမ်းအရည်ညှစ်ထည့်ပြီးမွှေပါ။ ပြီးရင်တော့ လက်သည်းပေါ်မှာ သုတ်လိမ်းပြီး ၁၀ မိနစ်ထားပါ။ ၁၀ မိနစ်ပြည့်ရင် ရေဆေးချပြီး အဝတ်နဲ့သုတ်ပါ။
သွားတိုက်ဆေး
နောက်တစ်ဆင့်အနေနဲ့ သွားတိုက်ဆေး အနည်းငယ်ယူပြီး လက်သည်းကို Scrub လုပ်သလို ပွတ်တိုက်ပေးပါ။ ပြီးရင်တော့ Mild ဖြစ်တဲ့ ဆပ်ပြာ (ဥပမာ – ကလေးသုံးဆပ်ပြာ) နဲ့တိုက်ပြီး ရေဆေးချလိုက်ရုံပါပဲ။ တစ်ပတ်တစ်ခါ ပုံမှန်လုပ်ပေးပါ။ တစ်ကြိမ် နှစ်ကြိမ်နဲ့တော့ ဖြူမလာပါဘူး။ စိတ်ရှည်ရှည်နဲ့ အချိန်ယူလုပ်ပေးဖို့လိုပါတယ်။
