စည်းစိမ်ဥစ္စာ ၊ ငွေကြေးတွေဟာ စနစ်တကျမကိုင်တွယ်တတ်ခဲ့ရင် ရေလိုပဲအပေါက်ရှာပြီး ကိုယ့်ဆီကထွက်ပြေးမှာပဲ ဖြစ်ပါတယ်။ အဲ့အတွက် ကိုယ်ပိုင်ချမ်းသာကြွယ်ဝမှုတွေ မပျောက်ပျက်ရအောင် ရှိရင်းစွဲထက်လည်း ပိုတိုးပွားလာအောင် လုပ်ဆောင်နိုင်ဖို့အတွက် နည်းစနစ်တွေကို ရှာဖွေဖို့ လိုအပ်ပါတယ်။

အသုံးချပါ။

ကိုယ့်ဆီမှာရှိတဲ့ ငွေကြေးဟာ သိမ်းဆည်းထားလို့ မရပါဘူး။ ငွေဆိုတာဟာ တဖြည်းဖြည်း လုံးပါးပါးတတ်လို့ပဲ ဖြစ်ပါတယ်။ ဒီတော့ ကိုယ်ပိုင်ငွေကြေးကို မှန်ကန်စွာ အသုံးချဖို့ကြိုးစားပါ။

ရင်းနှီးမြှပ်နှံခြင်း။

ငွေကို အသုံးချရမယ်ဆိုတဲ့အတွက် နားရှုပ်သွားနိုင်ပါတယ်။ ငွေကို ဘယ်လိုအသုံးချမလဲ။ မှန်ကန်တဲ့ စီးပွားရေးလုပ်ငန်းတွေမှာ ရင်းနှီးမြှပ်နံှမှုပြုဖို့ပဲ ဖြစ်ပါတယ်။

ငွေကို တိရိစ္ဆာန်တစ်ကောင်လိုခိုင်းပါ။

ငွေကိုမသနားပါနဲ့။ ကိုယ့်မှာရှိတဲ့ငွေအရင်းအနှီးကို ဘယ်လိုနေရာတွေ၊ ဘယ်လိုလုပ်ငန်းတွေမှာ ရင်းနှီးမြုပ်နှံသင့်သလဲဆိုတာကို အမြဲတွေးနေဖို့ လိုအပ်ပါတယ်။ အဆိုပါရင်းနှီးမြုပ်နှံမှုကနေ ဘယ်လိုအကျိုးအမြတ်တွေ ရရှိနိုင်မလဲဆိုတာကို လည်းသိနေရပါမယ်။ ငွေကိုခိုင်းနွားတစ်ကောင်လို အချိန်ပြည့်ခိုင်းနေနိုင်ဖို့ လိုအပ်ပါတယ်။

ငွေကို ရိုသေလေးစားပါ။

ငွေကိုနွားတစ်ကောင်လို ခိုင်းစားနိုင်ပါတယ်။ ဒါပေမယ့်မရိုမသေ၊ မလေးမစားတော့ မလုပ်မိပါစေနဲ့။ အမြဲ မြတ်နိုးတန်ဖိုးထားပြီး ချစ်ခင်ယုယပေးပါ။ ဒါမှငွေက ကိုယ့်ဆီမှာပျော်ရွှင်မှာဖြစ်ပါတယ်။