ဒီတစ်ခေါက်မှာတော့ အများကြီး အားစိုက်စရာ မလိုဘဲ တဖြည်းဖြည်း ဝိတ်ကျလာစေမယ့် နည်းလမ်းတွေကို ဖော်ပြပါရစေ။ အားကစား မလုပ်ဘဲ၊ အစားဂရုမစိုက်ဘဲ ဝိတ်ကျဖို့က ပြောသလောက်တော့ မလွယ်ပါဘူး။ ခန္ဓာကိုယ်က အဆီပိုတွေကို အစားလျှော့တာ၊ စားသလောက်ကို ကယ်လိုရီနဲ့ လောင်ကျွမ်းစေတာမျိုးကိုတော့ ခန္ဓာကိုယ်အချိုးအစား လှလှလေး ပိုင်ဆိုင်သူတိုင်းက Recommend ပေးကြပါတယ်။ အခုဖော်ပြမယ့် နည်းလမ်းတွေကတော့ အများကြီး အားစိုက်စရာမလိုဘဲ ဝိတ်ကျစေမယ့် နည်းလမ်းတွေ ဖြစ်ပါတယ်။ သင်က မအားလပ်တာကြောင့် ဝိတ်မချနိုင်ဘူးဆိုရင် ဒီနည်းလမ်းတွေကို အသုံးပြုနိုင်ပါတယ်။
၁။ ရေ၊ သံပယိုရည်
ဒီအချက်က သင်ကြားဖူးနေကျ အချက်ပါပဲ။ တစ်နေ့လုံး အစားအများကြီး မစားဖြစ်စေဖို့ ရေများများ သောက်သင့်ပါတယ်။ တစ်နေ့မှာ ရေအနည်းဆုံး ၈ ခွက် သောက်မယ်ဆိုတဲ့ ဆုံးဖြတ်ချက် ချထားသင့်ပါတယ်။ ဒါ့အပြင် မနက်တိုင်းမှာ ရေနွေးနွေးထဲ သံပယိုရည် ညှစ်ထည့်ပြီး သောက်ပေးရပါမယ်။ သံပယိုသီးက ခန္ဓာကိုယ်ထဲက အဆိပ်အတောက်တွေကို ပြေလျော့စေပြီး အဆီကျစေပါတယ်။
၂။ မနက်စာ
သင်က လုံးဝ အားမစိုက်ရင်တောင် ဝိတ်ကျဖို့အတွက် အနည်းဆုံး မနက်စာကို ကျန်းမာရေးနဲ့ ညီညွတ်တာကို စားပေးရပါမယ်။ အသီးအနှံတွေ၊ အစိမ်းရောင် အရွက်တွေကို မနက်ခင်းမှာ မဖြစ်မနေ စားရပါမယ်။ မနက်မှာ ကျန်းမာရေးနဲ့ ညီညွတ်တာ စားပေးတာကြောင့် သင့်တစ်နေ့တာလုံးကို လန်းဆန်းစေပါလိမ့်မယ်။
၃။ အစားအသောက်ကို Portion နဲ့ စားပါ
သင်စားမယ့် အစားအသောက်ကို အချိုးအစားနဲ့ စားပေးရပါမယ်။ ဥပမာ သင်နဂိုစားနေကျ ထမင်း ပမာဏထက် လျှော့စားပေးရပါမယ်။ ဒါ့အပြင် အစားစားတဲ့အချိန် ဖြည်းဖြည်း ကြေညက်အောင် ဝါးပြီး အစားတစ်ခါ စားပြီးတိုင်း ကြားထဲ နာရီဝက်လောက် ကြာတာနဲ့ ရေသောက်သင့်ပါတယ်။
၄။ ကန့်သတ်ပါ
အသင့်စား အစားအသောက်တွေကို တစ်နေ့မှာ ဘယ်လောက်ပဲ စားမယ်ဆိုပြီး ကန့်သတ်သင့်ပါတယ်။ လုံးဝမစားဘဲ နေတာ မဟုတ်ဘဲ တစ်နေ့မှာ တစ်ခါလောက်ပဲ စားမယ်ဆိုပြီး ဆုံးဖြတ်ထားရပါမယ်။ သင်အစားအသောက် ဝယ်တဲ့အခါလည်း အရင်ထက် လျှော့ဝယ်သင့်ပါတယ်။ ဒါ့အပြင် ဆီများတဲ့ အစားအသောက်ဆိုရင် တစ်ဝက်လောက်ပဲ စားသင့်ပါတယ်။
Photo Source: Pinterest
By MyStyle Myanmar
