MyStyle Myanmar ပရိတ်သတ်အားလုံး မင်္ဂလာပါ။ သင်က တစ်လအတွင်း ဗိုက်အဆီကျဖို့ နည်းလမ်းကို ရှာဖွေနေသူဆိုရင်တော့ ဒီအကြောင်းအရာက သင့်အတွက်ပါပဲ။ ကိုယ့်ကိုယ်အလေးချိန်အလိုက် ဗိုက်အဆီကျမကျကလည်း အချိန်ကွာခြားမှုရှိသွားမှာပါ။ တစ်လအတွင်း ဗိုက်အဆီကျချင်သူတွေအနေနဲ့ ဒီနည်းလမ်းတွေကို လိုက်နာပေးဖို့ လိုအပ်ပါတယ်။
၁။ လေ့ကျင့်ခန်းလုပ်ပါ
ဒါကတော့ လူတိုင်းသိပါတယ်။ ဗိုက်အဆီကျချင်တယ်ဆိုရင် အစားအသောက်အပြင် လေ့ကျျင့်ခန်းပါ ပေါင်းလုပ်ပေးရပါမယ်။ ကြိုးခုန်တာ၊ ပြေးတာ၊ လမ်းလျှောက်တာနဲ့အတူ ဗိုက်လေ့ကျင့်ခန်းတွေကို တွဲဖက်လုပ်ပေးရပါမယ်။
၂။ ၇ နာရီကနေ ၈ နာရီကြာအိပ်ပါ
ညဘက် အိပ်တာနောက်ကျတာကြောင့် ကိုယ်အလေးချိန်တက်စေပါတယ်။ အမြဲတမ်းအိပ်ချိန်ကို ၇ နာရီကနေ ၈ နာရီကြားထားပေးသင့်ပါတယ်။
၃။ အစားအသောက်
ဆီကြော်အစားအစာတွေကို ရှောင်ပေးရပါမယ်။ ဆီများတဲ့အစားအသောက်တွေနေရာမှာ အသီးအရွက်တွေကို အစားထိုးပေးရပါမယ်။
၄။ အစာမစားခင် ရေသောက်ပေးပါ
အစာစားခါနီးတိုင်း ရေသောက်လိုက်တာကြောင့် ပိုစားမိတာမျိုးမဖြစ်တော့ပါဘူး။ ကိုယ်ထမင်းမစားခင် အမြဲရေသောက်တတ်တဲ့အကျင့်ကို ထားပေးပါနော်။
၅။ အချိုစားတာလျှော့ပေးပါ
အချိုများတဲ့အစားအသောက်တွေကို ရှောင်ပေးရပါမယ်။ အချိုနေရာမှာ အမျှင်ဓာတ်များတဲ့ အစားအသောက်တွေကို အစားထိုးပေးရပါမယ်။
၆။ စိတ်ဖိစီးမှုလျှော့ချပါ
စိတ်ဖိစီးမှုက ဗိုက်ပူစေတဲ့ တရားခံပါပဲ။ စိတ်ဖိစီးမှုလျှော့ချဖို့ စာအုပ်ဖတ်တာ၊ တရားထိုင်တာ၊ ယောဂကျင့်တာစသဖြင့် ပြုလုပ်နိုင်ပါတယ်။
၇။ ကိုယ့်ရဲ့အစားအသောက်ကို အစီအစဉ်ဆွဲပါ
ညဘက် ဗိုက်ဆာလာရင် ဘာစားမလဲ၊ အဆီကျဖို့ ဘာတွေစားသင့်လဲ။ အသီးအရွက်ထဲက ဘာကို ကြိုက်လဲ စသဖြင့် ကိုယ့်ဘာကိုယ် အစီအစဉ် ဆွဲထားသင့်ပါတယ်။
ဒီနည်းလမ်းတွေကတော့ တစ်လအတွင်း ဗိုက်အဆီကျစေမယ့် နည်းလမ်းတွေဖြစ်ပါတယ်။
Source: www.eatthis.com
By MyStyle Myanmar
