ရင်သားကြီးလို့ မလုံမခြုံခံစားရတဲ့ ပျိုမေတို့အတွက် အဝတ်အစားဝတ်ဆင်နည်း (၅) မျိုး

လူအလို နတ်မလိုက်နိုင် ဆိုတဲ့ စကားပုံရှိပါတယ်။ Size သေးတဲ့ မိန်းကလေးတွေကလည်း Size ကို ပိုကြီးချင်သလို ကြီးနေသူ ပျိုမေတို့ကလည်း ဒီထက် နည်းနည်း ပိုသေးချင်ကြပါတယ်။ ရင်သားသေးတဲ့ မိန်းကလေးတွေပဲ စိတ်ညစ်စရာရှိတာမဟုတ်ပါဘူး။ Cup ကြီးတဲ့ ပျိုမေတွေမှာလည်း သူ့အခက်အခဲနဲ့သူရှိပါတယ်။ ကိုယ်ဝတ်ချင်တဲ့ Size မျိုး ပေါ့ပေါ့ပါးပါး မဝတ်နိုင်တာ၊ ရင်ဘတ်များ ပေါ်သွားမလား၊ ဘယ်သူကများ ကြည့်နေလဲ စတဲ့ မလုံမခြုံမှုတွေ ခံစားရတတ်ပါတယ်။ သင်က Cup Size ကြီးတဲ့ မိန်းကလေးတစ်ယောက်ဆိုရင်တော့ ကိုယ့်မှာ ရှိတဲ့ အားသာချက်ကို အကောင်းဆုံး ဖြစ်အောင် ဖန်တီးနိုင်ပါတယ်။ ဒီတော့ ဝတ်ဆင်နည်းတွေကို ကြည့်လိုက်ရအောင်နော်-

၁။ Shirt ဝတ်တဲ့အခါ

အင်္ကျီလက်ရှည် Shirt ဝတ်တဲ့အခါ ရင်ဘတ်ပေါ်မှာ ကြောက်လို့ ကြယ်သီးတွေ အပြည့်တပ်ထားတာက ကိုယ့်ပုံစံကို ပိုကြည့်မကောင်း ဖြစ်စေပါတယ်။ ရင်ဘတ်ပြည့်တာကို ပိုသိသာစေပါတယ်။ ဒါကြောင့် ကြယ်သီးအပြည့် တပ်မယ့်အစား အထဲက ရင်ခံ အနက်ရောင်လေးဝတ်ကာ ကြယ်သီးတစ်ဝက်ဖြုတ်ပြီး ဖော်ထားသင့်ပါတယ်။

၂။ အင်္ကျီအကျပ်

အင်္ကျီအကျပ် Sweater မျိုးကို ဝတ်တာ ရှောင်သင့်ပါတယ်။ ဒီအစား ရင်ဘတ်မှာ လိုင်းပုံစံ ပေါ်မယ့် အဝတ်အစားမျိုးကို ဝတ်သင့်ပါတယ်။ ဒီလိုဝတ်လိုက်တာက ကိုယ့်ရင်ဘတ်ကို အာရုံမရောက်စေဘဲ တခြားအသားပေါ်တဲ့ နေရာတွေပေါ် မျက်စိကျစေကာ ပိုဆွဲဆောင်မှုရှိပါတယ်။

၃။ V Shape

V Shape ဝတ်တဲ့အခါ ရင်ဘတ်ကို ပေါ်အောင် မဝတ်သင့်ပါဘူး။ ဒါကြောင့် Push Up ကို လုံးဝ မဝတ်သင့်ပါဘူး။ V Neck ဝတ်တဲ့အခါ ရင်ဘတ်အပြည့်ကာပေးမယ့် ဖက်ရှင်မျိုးကိုပဲ ရွေးသင့်ပါတယ်။

၄။ အင်္ကျီလက်ရှည်ဝတ်တဲ့အခါ

အင်္ကျီ Coat အနက် ဝတ်တဲ့အချိန် ရင်ဘတ်ကို ကြယ်သီးတပ်ပြီး ဝတ်တဲ့အခါ မောက်နေတဲ့ နေရာကို ပိုမြင်ရစေပါတယ်။ အင်္ကျီ တစ်ဖြောင့်တည်း သွားတဲ့ Coat အရှည်တွေက ရင်ဘတ်ကြီးသူ ပျိုမေတို့နဲ့ သင့်တော်ပါတယ်။