သင်က ပိုက်ဆံ သိပ်မသုံးချင်ပေမယ့် အဆင်ပြေတဲ့ မိသားစု၊ ဒါမှမဟုတ် အဆင်ပြေတဲ့ ဘဝအခြေအနေကနေ လာတဲ့ပုံစံမျိုး အမြဲ ဖြစ်နေချင်တယ်၊ အထက်တန်းဆန်ဆန် လှချင်တယ်ဆိုရင်တော့ ဒီအကြောင်းအရာက သင့်အတွက်ပါပဲ။ တချို့မိန်းကလေးတွေက ရှိတာနဲ့ လှအောင် ဝတ်တတ်ကြပါတယ်။ ဒီလို မိန်းကလေးတွေက အထက်တန်းဆန်ဆန် လှလေ့ရှိကြပါတယ်။ သင်က ပိုက်ဆံ သိပ်မသုံးဘဲ အထာကျကျ လှချင်တယ်ဆိုရင် ဒီဖက်ရှင်နည်းလမ်းတွေကို သိထားသင့်ပါတယ်။

၁။ လက်ဝတ်ရတနာ ဝတ်တဲ့အခါ

လက်ဝတ်ရတနာ ဝတ်တဲ့အခါ ပိုက်ဆံရှိတယ်ဆိုတဲ့ ပုံစံမျိုး ပေါ်နေဖို့ တန်ဖိုးကြီးတာတွေချည်းပဲ ဝတ်ပြစရာ မလိုပါဘူး။ အရိုးဆုံးက အဆန်းဆုံး ဖြစ်သလိုပဲ လက်ဝတ်ရတနာကို ဆွဲကြိုး ပါးပါးလေးတွေ၊ လက်စွပ် လက်ကောက် ပါးပါးလေးတွေရွေးသင့်ပြီး Minimal Style လေး ဝတ်သင့်ပါတယ်။

၂။ သက်တောင့်သက်သာ ရှိတဲ့ အဝတ်အစားတွေကို ဝတ်ပါ

သင့်ကိုယ်သင် ယုံကြည်မှု ရှိမယ်ထင်တဲ့၊ တခြားသူတွေ နဲ့ လန်းနေတတ်တဲ့ အဝတ်အစားမျိုးကို မရွေးဘဲ သင်နဲ့ သက်တောင့်သက်သာ ဖြစ်တဲ့ အဝတ်အစားတွေကို ဝတ်သင့်ပါတယ်။ အင်္ကျီအသား အရည်အသွေး အသင့်အတင့်နဲ့ သင့်ကို သက်တောင့်သက်သာဖြစ်စေတဲ့ စတိုင်က ချမ်းသာတယ် ထင်ရစေပါတယ်။ အင်္ကျီကို မီးပူသေချာတိုက်ဖို့တော့ မမေ့သင့်ပါဘူး။

၃။ လက်သည်းကို သန့်ရှင်းအောင် ထားပါ

သင့်လက်သည်းကို လက်သည်းနီ မဆိုးရင်တောင် သန့်ရှင်းအောင် ထားသင့်ပါတယ်။ အထက်တန်းဆန်ဆန် လှနေဖို့ လက်သည်းတွေကလည်း အရေးပါ ပါတယ်။ လက်သည်းကြားထဲ အညစ်အကြေးတွေ မရှိဖို့ သတိထားသင့်ပြီး လက်ကလေးတွေကို ဂရုစိုက်သင့်ပါတယ်။

၄။ အမြဲ ဆံပင်ကို ပုံသွင်းပါ

သင့်ဆံပင်စတိုင်ကို ဂရုစိုက်သင့်ပါတယ်။ အနည်းဆုံးတော့ ခေါင်းဖြီးပေးရပါမယ်။ Clean Look သန့်သန့်ပြန့်ပြန့် ပုံစံ ပေါ်ဖို့ ဆံပင်ကို ဂရုစိုက်ကာ ပုံသွင်းသင့်ပါတယ်။

၅။ သင့်ကိုယ်နေဟန်ထားကို ဂရုစိုက်ပါ

အထက်တန်းဆန်ဆန် သူဌေးသမီးလို လှနေဖို့ သင့်ကိုယ်နေဟန်ထားကလည်း အရေးပါ ပါတယ်။ ကိုယ့်ကိုယ်ကိုယ် ယုံကြည်မှု ရှိတဲ့ ပုံစံမျိုး နေထိုင်သင့်ပါတယ်။

၆။ Basic Clothing

အင်္ကျီဝယ်တဲ့အခါ Basic Item တွေ ဖြစ်တဲ့ Crop အဖြူ၊ Shirt အဖြူ၊ ဂျင်းဘောင်းဘီ၊ ကုတ်အင်္ကျီစတဲ့ အင်္ကျီတွေကိုပဲ ဝယ်သင့်ပြီး အရောင်အဆန်းတွေကို လျှော့ဝယ်သင့်ပါတယ်။ အရည်အသွေးကောင်းတဲ့ Basic Clothes တွေက သင့်ကို ပိုချမ်းသာတယ် ထင်ရစေပါတယ်။

၇။ အသားပေါ်လွန်းတာတွေကို ရှောင်ပါ

အသားပေါ်လေ လှလေ မဟုတ်တာကြောင့် တိုလွန်းတာ၊ ပေါ်လွန်းတာတွေကို ရှောင်သင့်ပါတယ်။ ဒီပုံစံတွေက သင့်ကို အထက်တန်းဆန်တယ် မထင်ရစေပါဘူး။ ရိုးရိုးလေးနဲ့ အသင့်အတင့်ပဲ အသားပေါ်တဲ့ အဝတ်အစားတွေကို ဦးစားပေးသင့်ပါတယ်။

Photo Source: Pinterest

By MyStyle Myanmar