မျက်နှာအသားအရေပေါ် ဓာတုပစ္စည်းတွေ ထိတွေ့မှုများတဲ့အခါ ပျက်စီးတာ ပိုလွယ်လာတတ်ပါတယ်။ သင်က သင့်မျက်နှာပေါ်မှာ သဘာဝပစ္စည်းတွေနဲ့ပဲ ပေါင်းတင်ချင်တယ်ဆိုရင်တော့ ဒီပစ္စည်းတွေကို အသုံးပြုလို့ရပါတယ်။
၁။ သင်္ဘောသီး
သင်္ဘောသီးမှာ အသားအရေအတွက်လိုအပ်တဲ့ အာဟာရ နဲ့ အက်တီအောက်ဆီးဒင့်ကြွယ်ဝပါတယ်။ အသားအရေကို စိုပြေစေပါတယ်။ သင်္ဘောသီးကို ငှက်ပျောသီးနဲ့ ရောချေပေးရပါမယ်။ ပြီးရင်တော့ ဒီအနှစ်ထဲ ပျားရည်ထည့်မွှေပေးရပါမယ်။ ပြီးနောက် သင့်မျက်နှာပေါ်မှာ မိနစ် ၂၀ ကပ်ပေးရပါမယ်။
၂။ ပျားရည်
ပျားရည်က ဘတ်တီးရီးယားသေစေနိုင်တဲ့ဂုဏ်သတ္တိရှိပါတယ်။ ဝက်ခြံနဲ့ အမည်းစက်တွေကိုလျော့ပါးစေပါတယ်။ အသားအရေမညီညာတာကိုလည်း ပျားရည်နဲ့ကုသနိုင်ပါတယ်။ ပျားရည်ကို အုတ်ဂျုံ၊ ဒိန်ချဉ် ဒါမှမဟုတ် ငှက်ပျောသီးနဲ့ရောပြီး မျက်နှာအမည်းစက်တွေပေါ် တိုက်ရိုက်ကပ်နိုင်ပါတယ်။
၃။ ဒိန်ချဉ်+ ဂျုံမှုန့်
ဒိန်ချဉ်က အသားအရေတောက်ပစေပါတယ်။ ဒိန်ချဉ်မှာ အသားအရေဖြူဝင်းစေတဲ့ Lactic Acid ပါဝင်ပါတယ်။ ဂျုံမှုန့်က ဝက်ခြံသက်သာစေပြီး အရေပြားပိုးမွှားကူးစက်မှုမဖြစ်အောင်ကာကွယ်ပေးပါတယ်။ ဒိန်ချဉ်နဲ့ ဂျုံမှုန့်ကို ရောပြီး မျက်နှာပေါ် နာရီဝက်ခန့်တင်ပေးရပါမယ်။ ပြီးနောက် ရေဆေးချပေးရပါမယ်။
၄။ သခွားသီး
သခွားသီးကတော့ရေဓာတ်ဖြည့်ပေးတာ သင်သိပြီးဖြစ်မှာပါ။ သခွားသီးမှာ အရေပြားယားယံမှုကို လျှော့ချပေးပြီး အသားအရေစိုပြေစေတဲ့ အက်တီအောက်ဆီးဒင့်နဲ့ ဗီတာမင်ကြွယ်ဝစွာပါဝင်ပါတယ်။ သင့်အသားအရေကို တောက်ပစိုပြေစေချင်တယ်ဆိုရင် သခွားသီးအရည်ကို မျက်နှာပေါ်လိမ်းပေးသင့်ပါတယ်။
၅။ ရှားစောင်းလတ်ပတ်
ရှားစောင်းလတ်ပတ်က Skin Care ပစ္စည်းတိုင်းလိုလိုမှာ ပါဝင်တာကို သင်သတိထားမိမှာပါ။ ရှားစောင်းလတ်ပတ်က ဆဲလ်ကြီးထွားမှုကို ကူညီပေးပြီး အသားအရေကျန်းမာရေးအတွက် သင့်လျော်ပါတယ်။ သင့်အသားအရေက ပျက်စီးခြောက်သွေ့ပြီး မညီညာဘူးဆိုရင်တော့ ရှားစောင်းလတ်ပတ်ဂျယ်ကို မျက်နှာပေါ်လိမ်းပြီး မိနစ် ၂၀ ထားနိုင်ပါတယ်။ ရှားစောင်းလတ်ပတ်ကို နေ့တိုင်း အသုံးပြုနိုင်ပါတယ်။
၆။ သံပယိုသီး
သံပယိုသီးက အသားအရေတောက်ပစေတဲ့ ထိပ်တန်းအကောင်းဆုံးသဘာဝပစ္စည်းတစ်မျိုးပါ။ မျက်နှာနဲ့ ဆံသားပေါ်မှာ အသုံးပြုနိုင်ပါတယ်။ လတ်လတ်ဆတ်ဆတ် အရည်ညှစ်ထားတဲ့သံပယိုရည်ကို ရေနဲ့ ရောလိုက်ပြီး မျက်နှာပေါ် လိမ်းပေးပါ။ ၁၀ မိနစ်ကနေ ၁၅ မိနစ်ထားနိုင်ပါတယ်။ သံပယိုရည်က အသားအရေကို စပ်စေတာကြောင့် မျက်နှာမှာ ထိခိုက်ပွန်းရာ မရှိဖို့တော့လိုပါတယ်။
Source: Herbeauty.co
By MyStyle Myanmar
