ဒူးညိုခြင်း၊ တံတောင်ညိုခြင်းက ပွတ်တိုက်တာ များလွန်းတဲ့အခါ ဖြစ်လာတတ်တဲ့ အရာပါ။ ဒါ့အပြင် အသားညိုစ ရှိသူတွေမှာလည်း နဂိုတည်းက ဒူးညိုတာ ပါလာတတ်ပါတယ်။ ဒူးညိုတာကို အတွေ့ရ အများဆုံး ကိစ္စကတော့ အားကစားလုပ်တဲ့ အချိန် ဒူးထောက်လွန်းရတာပါ။ ပွတ်တိုက်မှုများတဲ့အခါ ဆဲလ်သေတွေက တံတောင်နဲ့ ဒူးမှာ စုလာတတ်ပါတယ်။ တံတောင်၊ ဒူးမည်းတာက လွယ်လွယ်လေးနဲ့ ပေါ်လာပေမယ့် ပျောက်အောင် လုပ်တဲ့အခါ အချိန်ပေးရတတ်ပါတယ်။ ဒီတစ်ခေါက်မှာတော့ သကြားကို သုံးပြီး တံတောင်၊ ဒူး ထိထိရောက်ရောက် ဖြူလာစေမယ့် နည်းလမ်းကို ဖော်ပြပါရစေ။
ဒီနည်းလမ်းအတွက် လိုအပ်တဲ့ပစ္စည်းတွေကတော့-
၁။ သကြား
Photo Source: MasterClass
သကြားက ဆဲလ်သေတွေက ဖယ်ရှားပေးနိုင်တဲ့ အစွမ်းရှိပါတယ်။ ဒါ့အပြင် အသားအရေကို ပိုတောက်ပစေပါတယ်။
၂။ နနွင်းမှုန့်
Photo Source: The Green Creator
နနွင်းမှုန့်က အသားအရောင် မညီညာတာကို လျော့ပါးစေပါတယ်။ ဒါ့အပြင် အသားအရေကို တောက်ပစေပါတယ်။
၃။ သံလွင်ဆီ
Photo Source: Italian Traditions
သံလွင်ဆီက Anti-Oxidant ကြွယ်ဝကာ ဆဲလ်သေတွေ ကွာကျသွားပြီဖြစ်တဲ့ ဒူးနဲ့ တံတောင်ကို စိုပြေစေပါတယ်။ ရေဓာတ်ဖြည့်ပေးနိုင်ပါတယ်။
ဒီပစ္စည်းသုံးမျိုးကို သေချာရောမွှေပေးရပါမယ်။ ရလာတဲ့ အရောကို ဒူးနဲ့ တံတောင်ပေါ်မှာ ငြင်သာစွာ ပွတ်တိုက်ပေးရပါမယ်။ မိနစ်အနည်းငယ် ပွတ်တိုက်ပြီးနောက်မှာတော့ ရေနွေးနွေးလေးနဲ့ ဆေးချပေးရပါမယ်။
ဒီနည်းလမ်းကို ထိရောက်စေဖို့ တစ်ပတ်မှာ အနည်းဆုံး တစ်ခါလောက်တော့ ဒီ Scrub နဲ့ တိုက်ပေးရပါမယ်။
By MyStyle Myanmar
