အသားညိုတဲ့ ပျိုမေအများစုက ဒူးမည်းတာ၊ ဂျိုင်းမည်းတာ စတဲ့ ပြဿနာတွေကို ပိုကြုံရတတ်ပါတယ်။ တစ်ခါတလေ သင့်ကျန်းမာရေး ကြောင့်လည်း ဂျိုင်းက ပုံမှန်မဟုတ်ဘဲ ညိုမည်းတာ ဖြစ်နိုင်တာကြောင့် အရေပြား အထူးကု ကျွမ်းကျင်သူတွေနဲ့ သေချာ တိုင်ပင်သင့်ပါတယ်။ သင်က ပုံမှန် ဂျိုင်းညိုမည်းနေသူ ဆိုရင်တော့ အောက်ဖော်ပြပါ သဘာဝ နည်းလမ်းနဲ့ ဂျိုင်းပိုဖြူလာအောင် ကြိုးစားကြည့်နိုင်ပါတယ်။ အခုဖော်ပြမယ့် ဂျိုင်းဖြူနည်းလမ်းမှာ သုံးထားတဲ့ ပစ္စည်းတွေက အလွယ်တကူ ရနိုင်တဲ့အပြင် အသားအရေ အတွက် ထိရောက်တဲ့ ပစ္စည်းတွေချည်း ဖြစ်တာမို့ သင့်အတွက် ဘေးထွက်ဆိုးကျိုး ဖြစ်စေမှာ မဟုတ်ပါဘူး။ ဒီတော့ နည်းလမ်းကို ကြည့်လိုက်ရအောင်နော်-

၁။ ဆန်မှုန့်

ဆန်အမှုန့်ကို ဘာကြောင့် သုံးသင့်တာလဲဆိုတော့ ဒီအမှုန့်က မညီညာတဲ့ အသားအရေကို တောက်ပသွားစေကာ ညိုမည်းတဲ့ အသားအရေကို ပိုဖြူလာစေပါတယ်။ ဆန်ဆေးရည်၊ ဆန်မှုန့်တွေက အသားအရေအတွက် အကျိုးသက်ရောက်မှု ရှိတာကို သင်သိပြီး ဖြစ်မှာပါ။

၂။ နနွင်းမှုန့်

နနွင်းမှုန့်ကိုတော့ အိန္ဒိယ အမျိုးသမီးတွေရဲ့ အလှအပ ထိန်းသိမ်းနည်းတွေထဲမှာ တွေ့ရတတ်ပါတယ်။ နနွင်းမှုန့်ရဲ့ ကောင်းကျိုးတွေကတော့- အသားအရေကို ပိုဖြူလာစေခြင်း၊ အသားအရေ အရောင် မညီညာတာကို သက်သာစေခြင်း တို့ ဖြစ်ပါတယ်။

၃။ နွားနို့အေး

နွားနို့အေးက ဆဲလ်သေတွေကို ကွာကျစေကာ ဂျိုင်းသားကို ချောမွေ့စေပါတယ်။ ဒါ့အပြင် ဂျိုင်းကြား အသားအရေကို စိုပြေစေပါလိမ့်မယ်။

ဒီပါဝင်ပစ္စည်းတွေကို တစ်ဇွန်းဆီ ထည့်ကာ အနှစ်ရအောင် ရောမွှေပေးရပါမယ်။ အဝါရောင် အနှစ်ရတဲ့ အထိ သေချာမွှေပြီးရင်တော့ ဂျိုင်းပေါ်တင်ကာ ၁၅ မိနစ် ထားပေးရပါမယ်။ ဒါပြီးရင်တော့ ရေဆေးချနိုင်ပါပြီ။

Photo source: Pinterest

By MyStyle Myanmar