မင်္ဂလာပါ….. ပျိုမဒီတို့ရေ….. အခုဆိုရင် လူကြီး လူငယ်မရွေး အရင်ကထက် ဘာသာစကားပေါ်မှာ အများကြီး စိတ်ဝင်စားလာကြပြီး အင်္ဂလိပ်စာအပြင် အခုဆို ဂျပန်၊ တရုတ်၊ ကိုရီးယား စတဲ့ ဘာသာစကားတွေ သင်ယူလာကြပါတယ်။
ဘာသာစကားသင်ဖို့အတွက် သင်တန်းတွေလည်း အများကြီးရှိလာသလို သင်တန်းမတတ်ဘဲလည်း အိမ်မှာ ကိုယ့်ဘာသာသင်ယူလေ့လာလို့လည်း ရပါတယ်။ တကယ်လို့ အိမ်မှာကိုယ့်ဘာသာလေ့လာမယ်ဆိုရင်
ဘာသာစကား အသစ်တစ်ခုကို လေ့လာဖို့ တစ်နေ့ကို ၁၅ မိနစ်လောက် အချိန်ပေးရုံနဲ့ လုံလောက်ပါတယ်။
Application သုံးပါ
ဘာသာစကားအသစ်တစ်ခု အိမ်မှာ ကိုယ့်ဘာသာလေ့လာတော့မယ်ဆိုရင် App Store သို့မဟုတ် Play Store တို့မှာရှိတဲ့ ဘာသာစကာလေ့လာဖို့အတွက် ထုတ်ထားတဲ့ Application တွေကိုသုံးပြီး လေ့လာလို့ရပါတယ်။ ဖုန်းကနေ ဘာသာစကားသင်ယူလို့ရပြီး လေ့ကျင့်ဖို့ တစ်နေ့ကို အနည်းဆုံး ၁၀ မိနစ်ကနေ ၁၅ မိနစ်လောက် အချိန်ပေး လေ့လာပါ။
သွားရင်းလာရင်း သင်ယူခြင်း
ရုံးသွားရင်းနဲ့ဘဲဖြစ်ဖြစ် ကျောင်းသွားရင်းနဲ့ဘဲဖြစ်ဖြစ် ကားပေါ်မှာထိုင်နေတဲ့အချိန်တွေမှာ ဘာသာစကာလေ့လာဖို့အတွက် ထုတ်ထားတဲ့ Application တွေက်ို အသုံးပြုရင်း လေ့လာလို့ရပါတယ်။ ဒါက ပျင်းစရာကောင်းတဲ့ အချိန်ကို အကျိုးရှိအောင် အသုံးချခြင်းပါပဲ။
အလေ့အကျင့် များများလုပ်ခြင်း
“ Practice makes Perfect ’’ ဆိုတဲ့စကားအတိုင်း ဘာသာစကားကို လက်တွေ့မှာ များများ အသုံးချဖို့လိုပါတယ်။ လေ့ကျင့်ဖို့အတွက် အချိန်အများကြီးမပေးနိုင်ရင်တောင် တစ်ပတ် တစ်ရက်လောက်တော့ လေ့ကျင့်ပေးပါ။
နေ့တိုင်းသင်ယူခြင်း
ဘာသာစကားအသစ် သင်ယူတဲ့အခါ အဓိကအချက်က နေ့တိုင်းထိတွေ့နေဖို့ပါ။ ဒီလိုမဟုတ်ဘဲ လေ့လာလိုက် ရပ်လိုက် ပြန်လေ့လာလိုက်နဲ့ဆိုရင် ရှေ့မရောက်ဘဲ ကြာလာရင် လေ့လာဖို့ စိတ်မပါတော့တာမျိုး ဖြစ်တတ်ပါတယ်။
Label တပ်ခြင်း
အိမ်မှာရှိတဲ့ပစ္စည်းတွေကို လေ့လာနေတဲ့ ဘာသာစကားကိုအသုံးပြုပြီး ရေးထားတဲ့ Label လေးတွေ တပ်ထားလိုက်ပါ။ ဒါဆို အိမ်အသုံးအဆောင်အခေါ်အဝေါ်တွေကို သီးသန့်မှတ်နေစရာမလိုဘဲ အလိုလိုမှတ်မိနေမှာပါ။
