ညဘက်မှာ အသားအရေကို ပိုဂရုစိုက်ပေးသင့်ပါတယ်။ ဘာကြောင့်လဲဆိုတော့ ညဘက်အိပ်တဲ့ အချိန် ဆဲလ်တွေ ပြန်လည်ပြုပြင်ပြီး အသစ်ပြန်ဖြစ်လို့ပါ။ တစ်နေ့လုံးစာ ပင်ပန်းထားတဲ့ အသားအရေကို ညဘက်မှာ ပြန်လည် ဂရုစိုက်ဖို့ လိုပါတယ်။ သင်က အသက်အရွယ် ရလာသူဆိုရင် ညဘက်မှာ အသားအရေကို ပိုဂရုစိုက်ဖို့ လိုပါတယ်။ ဒီတစ်ခေါက်မှာတော့ ညဘက်မှာ လိုအပ်တဲ့ Skincare ပစ္စည်းတွေနဲ့ အဆင့်ဆင့် ထိန်းသိမ်းပုံ တွေကို ဖော်ပြပါရစေ။
အဆင့် ၁- Oil Cleanser
Double cleansing ရဲ့ ပထမဆုံး အဆင့်ဖြစ်တဲ့ Oil Cleanser က အရေးအကြီးဆုံး အဆင့်တွေထဲမှာ ပါဝင်ပါတယ်။ တစ်နေ့တာ မျက်နှာမှာ ကပ်နေတဲ့ မိတ်ကပ်၊ ဖုန်မှုန့်၊ အညစ်အကြေးတွေကို ဖယ်ချဖို့, အသားထဲ Skincare အာနိသင် ထိရောက်စွာ ဝင်ဖို့ Oil Cleanser ကို လိုအပ်ပါတယ်။
အဆင့် ၂- Face Wash
ဒီအဆင့်မှာတော့ ပုံမှန် Facial Foam နဲ့ မျက်နှာသစ်ပေးရမှာပါ။ Facial Foam ကိုလည်း သင်လိုချင်တဲ့ အသားအရေ ရည်ရွယ်ချက် အလိုက် ရွေးချယ်နိုင်ပါတယ်။ အသားဖြူချင်သူက Brightening ပါတာ ရွေးသင့်ပြီး စိုပြေချင်သူက Hydrating Effect ပါတာကို ရွေးသင့်ပါတယ်။
အဆင့် ၃- Toner
အသားအရေရဲ့ pH Level ကို ထိန်းသိမ်းဖို့ နောက်တစ်ဆင့် အနေနဲ့ Toner နဲ့ ပွတ်ပေးရပါမယ်။ Toner က မျက်နှာအသားအရေကို ပြန်လည် လန်းဆန်းစေပါတယ်။ မျက်နှာကို သန့်စင်ပေးတဲ့ Moisturizer လည်း ဖြစ်ပါတယ်။
အဆင့် ၄- Niacinamide Serum
Niacinamide Serum ရဲ့ အသားအရေအတွက် ကောင်းကျိုးတွေကတော့- ချွေးပေါက်ကျဉ်းစေခြင်း၊ နေရောင်ခြည် ကြောင့် ထိခိုက်မှုကို သက်သာစေခြင်း၊ အသားအရေနီမြန်းတာကို လျော့ပါးစေခြင်း၊ အရေးအကြောင်း သက်သာစေခြင်းတို့ ဖြစ်ပါတယ်။
အဆင့် ၅- Eye Cream
အသက်အရွယ်ရလာသူ တစ်ဦးအနေနဲ့ မျက်လုံးအောက် အရေးအကြောင်း သက်သာဖို့ Eye Cream ကို လိုအပ်ပါတယ်။ Eyecream က အိုမင်းရင့်ရော်မှုကို နှေးကွေးစေသလို အသားအရေကို ညီညာစေပါတယ်။
အဆင့် ၆- Retinol
သင့်အသားအရေနဲ့ Retinol နဲ့ အဆင်ပြေ မပြေ ပထမဆုံး သိထားသင့်ပါတယ်။ Retinol က အသားအရေကို တင်းရင်းစိုပြေစေပါတယ်။ အသားအရေ ညီညာစေကာ ဝက်ခြံသက်သာစေပါတယ်။ ဒါ့အပြင် အိုမင်းရင့်ရော်မှုကို တိုက်ထုတ်ပေးနိုင်ပါတယ်။
အဆင့် ၇- Moisturizer
နောက်ဆုံးအရေးအကြီးဆုံး အဆင့်ကတော့ Moisturizer အဆင့်ပါ။ သင်က အပေါ် Skincare တွေကို မလုပ်နိုင်ရင်တောင် Toner, Moisturiser, Eye Cream အဆင့်တွေကို မကျော်သင့်ပါဘူး။
Photo Source: Pinterest
By MyStyle Myanmar
