သင့်လက်တွေက သင့်မျက်နှာအသားအရေထက် အရေးအကြောင်းပိုဖြစ်တာလွယ်ပါတယ်။ တချို့မင်းသမီးတွေ အရွယ်ထိန်းထားနိုင်ပေမယ့် လက်တွေက အရေတွန့်နေတာကို သင်မြင်ဖူးမှာပါ။ ကိုယ့်လက်ကလေးတွေကို အမြဲနုပျိုနေအောင် ထိန်းသိမ်းပေးဖို့ လိုအပ်ပါတယ်။ ဘယ်လိုထိန်းသိမ်းရမလဲ ကြည့်လိုက်ရအောင်နော်-
၁။ Anti Aging Cream
Anti Aging ရည်ရွယ်ချက်နဲ့ ထုတ်လုပ်ထားတဲ့ Hand Cream တွေကို လိမ်းပေးသင့်ပါတယ်။ Hand Cream တွေက သင့်အသားအရေကို နူးညံ့စေတဲ့အပြင် ဖွေးဖွေးလေးဖြစ်နေစေပါတယ်။ သင့်လက်ကလေးကို သင့်မျက်နှာလေးလို တောက်ပစေချင်ရင် Hand Cream ဆောင်ထားသင့်ပါတယ်။
၂။ အိမ်အလုပ်လုပ်တဲ့အချိန် လက်အိတ်
ရေနွေးအပူကိုင်တဲ့အချိန်၊ ချေးချွတ်ပစ္စည်းတွေကို ကိုင်တွယ်တဲ့အချိန် ရာဘာလက်အိတ်စွပ်ထားသင့်ပါတယ်။ လက်မှာလိုးရှင်းလိမ်းပြီး လက်အိတ်စွပ်ထားရင် ပိုကောင်းပါတယ်။
၃။ လက်သည်းနီ
အရည်အသွေးမကောင်းတဲ့လက်သည်းနီတွေက သင့်အတွက်မကောင်းပါဘူး။ လက်သည်းတွေ ခိုင်မာဖို့ ရည်ရွယ်ချက်နဲ့ ထုတ်လုပ်ထားတဲ့ အရည်အသွေးကောင်းတဲ့ လက်သည်းနီတွေကို သုံးသင့်ပါတယ်။
၄။ Sunscreen
ကျွန်မတို့က Sunscreen ကို မျက်နှာအပါအဝင် တစ်ကိုယ်လုံးလိမ်းပေမယ့် တစ်ခါတလေ လက်ကို လိမ်းဖို့ မေ့သွားတတ်ပါတယ်။ နေရောင်ထဲထွက်တဲ့ အချိန်တိုင်း လက်ကိုပါ Sunscreen လိမ်းသင့်ပါတယ်။
Photo Source: Pinterest
By MyStyle Myanmar