သင်က သင့်ဝတ်ဆင်ပုံကို ပြောင်းလဲချင်တယ်ဆိုရင်တော့ ဒီအကြောင်းအရာက သင့်အတွက်ပါပဲ။ ပြောင်းလဲခြင်းတွေထဲမှာ မျက်နှာပို ကြည့်ကောင်းလာတာ၊ ခန္ဓာကိုယ် ပိုကြည့်ကောင်းလာတာ၊ ပိုစတိုင် ကျလာတာတွေ ပါဝင်ပါတယ်။ သင်က အရင်ထက် ပိုဝတ်တတ်ပြီး စတိုင်ကျချင်တယ်ဆိုရင် အောက်ဖော်ပြပါ နည်းလမ်းတွေကို အသုံးပြုနိုင်ပါတယ်။
၁။ Fashion Accessories တွေကို စုပါ
ဖက်ရှင်လှလှလေး ဝတ်ချင်သူပျိုမေတွေအနေနဲ့ ကိုယ်တွဲဝတ်လေ့ရှိတဲ့ ဖက်ရှင် Accessories တွေကို စုသင့်ပါတယ်။ ဒီ Accessories တွေက ဘယ်အင်္ကျီဝတ်ဝတ် ကိုယ့်ဖက်ရှင်ကို ပံ့ပိုးပေးနိုင်တဲ့ အိတ်၊ မျက်မှန်နဲ့ ဦးထုပ်၊ လက်ဝတ်ရတနာတွေ ဖြစ်သင့်ပါတယ်။
၂။ ဘောင်းဘီပုံစံ အမျိုးမျိုး
သင်က စတိုင်ကျကျ လှချင်တယ်ဆိုရင် ဘောင်းဘီပုံစံကို မျိုးစုံ ဝတ်ကြည့်ပြီး ကိုယ်နဲ့ ဘာအဆင်ပြေဆုံးလဲ လေ့လာကြည့်သင့်ပါတယ်။ ထွက်သမျှ ဘောင်းဘီပုံစံတိုင်းကို လိုက်ဝယ်ပြီး လိုက်ဝတ်ကြည့်သင့်ပါတယ်။
၃။ အပြင်ထပ်တွေ ဝယ်စုပါ
အပြင်ထပ် အနွေးထည် အပါးတွေ၊ ကုတ်အင်္ကျီတွေ၊ ဂျင်းအနွေးထည်တွေနဲ့ အင်္ကျီလက်ရှည် Sweatshirt တွေက လှလှလေး နေချင်တဲ့ ပျိုမေတို့အတွက် မဖြစ်မနေ လိုအပ်ပါတယ်။
၄။ သင်အားကျရတဲ့ သူတွေကို Follow ထားပါ
သင်အားကျရတဲ့၊ သင့်မျက်လုံးထဲ လှတယ်ထင်တဲ့ ဝတ်စုံတွေကို ဝတ်လေ့ရှိသူတွေကို Follow ထားသင့်ပါတယ်။ ဒီလို Follow ထားတာကြောင့် သင် နဂိုထက် ဖက်ရှင်အသိတွေ တိုးလာပါလိမ့်မယ်။
၅။ ခန္ဓာကိုယ် အချိုးအစားကို သိအောင် လုပ်ပါ
သင့်ခန္ဓာကိုယ် အချိုးအစားက ဘယ်လိုပုံစံလဲ သိထားသင့်ပါတယ်။ ဒီလိုသိထားမှ ဘယ်လိုအင်္ကျီက သင်နဲ့ အဆင်ပြေဆုံးလဲ ပိုသိနိုင်မှာပါ။
၆။ Basic Clothes တွေကို စုပါ
Basic Clothes တွေ ဖြစ်တဲ့ အနက်ရောင် ဆွယ်တာ၊ ခါးတို Tank Top, Mom Jeans နဲ့ လည်ပင်းအရှည် အင်္ကျီစတာတွေကို စုဝယ်ထားသင့်ပါတယ်။ ဒီအဝတ်အစားတွေက မဖြစ်မနေ လိုအပ်တဲ့ အဝတ်အစားတွေထဲ ပါဝင်ပါတယ်။
Photo Source: Pinterest
By MyStyle Myanmar
