လက်သည်းကိုခိုင်မာပြီး အရှည်မြန်စေမယ့် သဘာဝနည်းလမ်း

အမျိုးသမီးအများအားဖြင့် လက်သည်းအရှည်ထားချင်ကြပါတယ်။ လက်သည်းပျော့တာ၊ လက်သည်းကျွပ်ဆတ်တာမျိုးဆိုရင် လက်သည်းအရှည်ထားလို့မရလို့ အမျိုးသမီးတွေအများစု စိတ်ညစ်ကြရပါတယ်။

လက်သည်းအရှည်ထားပြီး လက်သည်းနီလှလှဆိုးချင်ကြတဲ့သူတွေအတွက် လက်သည်းကို ခိုင်မာပြီး အရှည်မြန်စေမယ့် သဘာဝနည်းလမ်းကို မျှဝေပေးချင်ပါတယ်။

သံလွင်ဆီ

လက်သည်းပျော့တာ လက်သည်းကျွပ်ဆတ်တာကို သက်သာစေဖို့အတွက် သံလွင်ဆီကို အသုံးပြုပေးရမှာဖြစ်ပါတယ်။ သံလွင်ဆီဟာ လက်သည်းကို နူးညံ့စေပြီး ပျက်စီးနေတဲ့ လက်သည်းကို ပြန်ပြီး ပြုပြင်ပေးပါတယ်။

သံလွင်ဆီကို အပူပေးပြီး ခွက်တစ်လုံးထဲထည့်လိုက်ပါ။ ပြီးရင်လက်သည်းကို အဲဒီသံလွင်ဆီထဲနစ်လိုက်ပြီး ၁၅ မိနစ် မိနစ် ၂၀ လောက်ထားပါ။

ပြီးရင် သံလွင်ဆီလိမ်းထားတဲ့လက်သည်းကိုလက်နဲ့ အနည်းငယ် ပွတ်ပေးလိုက်ပါ။ ပြီးရင် တစ်ရှုးနဲ့ သုတ်ပေးလိုက်ပါ။

တစ်ပတ်ကို ၃ ကြိမ် ၄ ကြိမ်လောက်ပြုလုပ်ပေးခြင်းဖြင့် လက်သည်းကိုခိုင်မာစေပြီး အရှည်မြန်စေမှာဖြစ်ပါတယ်။