ဆံပင်အရှည်မြန်အောင် ဘယ်လိုလုပ်ရမလဲလို့ မေးနေကြတဲ့ စာဖတ်သူတို့အတွက်နည်းလမ်းကောင်း တစ်ခု ရှာတွေ့ထားပါတယ်။

အရင်ဆုံးနည်းလမ်းကို မပြောပြခင်မှာ ဆံပင်အရှည်မြန်ဖို့ဆိုတာ သင့်ရဲ့ နေထိုင်စားသောက်ပုံ၊ သဘာဝပတ်ဝန်းကျင်နဲ့ မျိုးရိုးဗီဇကိုလည်း ထည့်သွင်းစဉ်းစားဖို့လိုပါတယ်။ ဒါ့အပြင် ကိုယ့်ရဲ့ ပြုမူနေထိုင်မှုကလည်း ဆံကေသာအပေါ် များစွာ သက်ရောက်မှုရှိပါတယ်။

ဆံပင်ကို အပူပေးစက်တွေမကြာခဏသုံးမယ်၊ နေပူထဲမှာ အကာအကွယ်မပါဘဲထွက်မယ်၊ ဆံပင်ကျွတ်အောင် ပြတ်အောင် ပျက်စီးအောင် လုပ်မယ်ဆိုရင် ဆံကေသာ သန်စွမ်းလာနိုင်မှာမဟုတ်ပါဘူး။

ဆံကေသာ သန်စွမ်းကျန်းမာစေဖို့ဆိုရင် စာဖတ်သူတို့အနေနဲ့ ဆံကေသာကို သေချာ ဂရုစိုက် ထိန်းသိမ်းဖို့လိုပါတယ်။

အခုပြောပြမယ့်နည်းလမ်းက သဘာဝနည်းလမ်းလည်းဖြစ်တယ် ဆံပင်ကိုလည်း အရှည်မြန်စေမှာမို့ စာဖတ်သူတို့လည်း အကြိုက်တွေ့ကြမှာပါ။

ပါဝင်ပစ္စည်း

ကြက်ဥ ၂ လုံး

သံလွင်ဆီ စားပွဲတင်ဇွန်း ၄ ဇွန်း

အုန်းဆီ စားပွဲတင်ဇွန်း ၂ ဇွန်း

ြပင်ဆင်ခြင်း နှင့်အသုံးပြုခြင်း

ခွက်တစ်လုံးထဲကို ပါဝင်ပစ္စည်းတွေအားုံးထည့်လိုက်ပြီး သေချာမွှေလိုက်ပါ။ ပြီးရင် ဆံပင်အရင်းကနေ အဖျားထိ၊ ဦးရေပြားကိုပါလိမ်းပေးလိုက်ပြီး သေချာလေး နှိပ်နယ်ပေးပါ။ ၂ မိနစ်လောက် နှိပ်ပေးပြီးရင် ခေါင်းတစ်ခုလုံးကို Shower Cap နဲ့ ပေါင်းပေးထားလိုက်ပါ။ ၁ နာရီလောက်ထားပြီး ခေါင်းလျှော်ရည် ပေါင်းဆေးတို့ နဲ့ လျှော်ချပေးပါ။ ဆံကေသာ နူးညံ့ချောမွှေ့ပြီး အမြန်ဆုံးအရှည်မြန်စေမှာပါ။ တစ်ပတ်ကို ၂ ကြိမ်ကနေ ၃ ကြိမ်ထိလုပ်ပေးနိုင်ပါတယ်။