မျက်တောင်ထူထူရဖို့ နည်းလမ်းမျိုးစုံထဲမှာ မျက်တောင်ကော့ဆေးသုံးတာကလည်း တစ်ခုအပါအဝင်ဖြစ်ပါတယ်။ ဒီလို မျက်တောင်ကော့ဆေးသုံးတဲ့နေရာမှာ ဓါတုပစ္စည်းတွေပါဝင်တဲ့ မျက်တောင်ကော့ဆေးကို သုံးပြီးပြီဆိုရင်တော့ ဒီလို သဘာဝနည်းလမ်းလေးကို အသုံးပြုပေးဖို့လိုပါတယ်။
နည်းလမ်းကလည်း သိပ်မခက်တာမို့ အကြည့်လေးတစ်ချက်မှာ ငေးသွားစေမဲ့ နည်းလမ်းလေးကို မျှဝေပေးလိုက်ပါတယ်။ စာဖတ်သူတို့ လိုက်လုပ်ရတာလည်း လွယ်မှာပါ။
ပါဝင်ပစ္စည်း
ကြက်ဥအကာ လက်ဖက်ရည်ဇွန်း ၁ ဇွန်း
ကြက်ဆူဆီ ၂ စက်
ပြုလုပ်နည်း
ကြက်ဥအကာ လက်ဖက်ရည်ဇွန်း ၁ ဇွန်းကို ကြက်ဆူဆီ ၂ စက်နဲ့ရောပြီး အသုံးပြုပေးရမှာပါ။ အဲဒီဆီကို လက်ချောင်းလေးကိုသုံးပြီး မျက်တောင်ကို လိမ်းပေးရမှာဖြစ်ပါတယ်။
အိပ်ယာမဝင်ခင်လိမ်းပေးရမှာဖြစ်ပြီးတော့ ညလုံးပေါက်ထားရမှာဖြစ်ပါတယ်။ မနက်ဖက်မှာတော့ ရေအေးနဲ့ သေချာလေး မျက်နှာသစ်ပေးပါ။
ဘယ်လောက်များများလုပ်ရမလဲ
ဒီနည်းလမ်းလေးကို တစ်ပတ်မှာအနည်းဆုံး ၂ ကြိမ်ပြုလုပ်ပေးလို့ရပါတယ်။ တစ်လအတွင်းမှာ သိသာတဲ့ရလဒ်ကို ရရှိပိုင်ဆိုင်စေမှာပါ။
