ကိုယ်ဝန်ဆောင်ပြီးနောက် သင့်ဗိုက်ပေါ်မှာ အကြောပြတ်ရာတွေ ကျန်ခဲ့တတ်ပါတယ်။ ဒီလိုကျန်ခဲ့တာက ကိုယ်ဝန်ဆောင်ပြီးတဲ့ အမျိုးသမီးတိုင်းလိုလိုပါ။ ဒီတစ်ခေါက်မှာတော့ အလွယ်ရနိုင်တဲ့ ရှားစောင်းလတ်ပတ်ကို အသုံးပြုပြီး အကြောပြတ်ရာကို ဖယ်ရှားနိုင်ဖို့ နည်းလမ်းတစ်ခု ဖော်ပြပါရစေ။
သင်ကိုယ်တိုင် မဟုတ်ရင်တောင် ကိုယ်ဝန်ဆောင်ခဲ့ဖူးတဲ့ သင့်မိတ်ဆွေတွေကို ဒီနည်းလမ်း လက်ဆင့်ကမ်းနိုင်တာမို့ အသုံးဝင်မှာပါ။ ဒီတော့ ရှားစောင်းလတ်ပတ်ကို သုံးပြီး အကြောပြတ်ရာ သက်သာအောင် ဘယ်လိုလုပ်နိုင်မလဲ ကြည့်လိုက်ရအောင်-
ပထမဆုံး ရှားစောင်းလတ်ပတ်ကနေ ဂျယ်ထုတ်ပေးရပါမယ်။ ဘာလို့ ရှားစောင်းလတ်ပတ်ကို အကြောပြတ်ရာအတွက် သုံးလဲဆိုတော့ ရှားစောင်းက အနာ၊ အမာရွတ်တွေကို ကုသပေးတဲ့ သဘာဝ
ပစ္စည်းတစ်မျိုး ဖြစ်ပါတယ်။ ရှားစောင်းလတ်ပတ်က သင့်အကြောပြတ်ရာကျန်ခဲ့တဲ့ အသားအရေကို နူးညံ့စေပြီး အကြောပြတ်ရာကို လျော့ပါးလာစေပါတယ်။
Photo Source: Wings Daily News
နောက်ထပ် လိုအပ်တဲ့ ပစ္စည်းတစ်မျိုးကတော့ အုန်းဆီပါ။ အကြောပြတ်ရာကို ဖယ်ရှားတဲ့ ပစ္စည်းတွေထဲမှာ အုန်းဆီကလည်း အပါအဝင်ပါ။ အုန်းဆီကလည်း အနာကျက်စေတဲ့ ၊ အသားအရေ ပိုကောင်းစေတဲ့ သဘာဝ ပစ္စည်းတစ်မျိုးပါ။
Photo Source: Freeness.us
အုန်းဆီနဲ့ ရှားစောင်းလတ်ပတ်ဂျယ်ကို ရောပေးရပါမယ်။ ရောပြီးနောက် အကြောပြတ်ရာရှိတဲ့ ဗိုက်ပေါ် လိမ်းပေးရပါမယ်။ ရလဒ်သိသာအောင် ဒီနည်းလမ်းအတိုင်း ဗိုက်မှာ နေ့တိုင်း လိမ်းပေးသင့်ပါတယ်။
By MyStyle Myanmar
