ဒူးမည်းတာ တံတောင်မည်းတာက မိန်းကလေးတွေရဲ့ ကိုယ့်ကိုကိုယ် ယုံကြည်မှုကို ကျဆင်းစေပါတယ်။ ဒူးပေါ်တဲ့ စကပ်တိုလေးတွေ ဝတ်တဲ့အချိန် စိတ်ကသိကအောက်ဖြစ်စေပါတယ်။ သင်က ဒူးမည်းတံတောင်မည်းနေလို့ စိတ်ညစ်နေတယ်ဆိုရင် ဒီအကြောင်းအရာက သင့်အတွက်ပါပဲ။ ဒူးမည်းတာကို ကိုယ့်အိမ်မှာပဲ အိမ်တွင်းပစ္စည်းတွေနဲ့ ဖြူလာအောင်ပြုလုပ်နိုင်ပါတယ်။ နည်းလမ်းတွေကတော့-
၁။ မုန့်ဖုတ်ဆိုဒါ
Source: INLIFE Healthcare
ခွက်တစ်ခွက်ထဲမှာမုန့်ဖုတ်ဆိုဒါ သုံးဇွန်းနဲ့ နွားနို့ ၂ ဇွန်းထည့်ပေးပါ။ အနှစ်ဖြစ်အောင် မွှေပေးပါ။ ဒီအနှစ်ကို ညိုမည်းတဲ့နေရာမှာ လိမ်းပြီး မိနစ် ၂၀ လောက် ခြောက်တဲ့အထိထားပေးပါ။ ပြီးရင်တော့ ရေဆေးချပါ။ မုန့်ဖုတ်ဆိုဒါက ချေးချွတ်ပေးနိုင်တဲ့ အာနိသင်ရှိပါတယ်။ နွားနို့နဲ့ ပေါင်းစပ်လိုက်တဲ့အခါ အသားအရေကို တောက်ပသွားစေပါတယ်။
၂။ ပျားရည်နဲ့ သံပယိုသီး
Source: BeBeautiful
သံပယိုရည်တစ်ဇွန်းနဲ့ ပျားရည်တစ်ဇွန်းရောပေးပါ။ ပြီးနောက် ညိုမည်းတဲ့ တံတောင်နဲ့ ဒူးပေါ်လိမ်းပြီး မိနစ် ၃၀ လောက်ထားပေးပါ။ ပြီးနောက် ရေဆေးချပါ။ သံပယိုသီးက အသားအရေကို တောက်ပစေတဲ့ သဘာဝအသီးတစ်မျိုးပါ။ ပျားရည်က အသားအရေကို အစိုဓာတ်ပေးပါတယ်။
၃။ ဒိန်ချဉ်နဲ့ ရှာလကာရည်
Source: Nexter.org
ဒိန်ချဉ်သုံးဇွန်းနဲ့ ရှာလကာရည် နှစ်ဇွန်းကို ရောပေးပါ။ ပြီးနောက် ဒီအရောကို တံတောင်နဲ့ ဒူးမှာလိမ်းပြီး မိနစ် ၄၀ ထားပေးပါ။ ပြီးနောက် ရေဆေးချပါ။ ရှာလကာရည်မှာပါဝင်တဲ့ Acetic အက်ဆစ်က အသားအရေကို လင်းစေပြီး ဒိန်ချဉ်က အသားအရေဖြူစေပါတယ်။
By MyStyle Myanmar
