တင်ပါးမှာဝက်ခြံပေါက်ရတဲ့အကြောင်းအရင်းနဲ့ပျောက်အောင်ကုသနိုင်မယ့်နည်းလမ်း

တစ်ခါတစ်လေကျရင် ဘာကြောင့်မှန်းမသိပဲ တင်ပါးမှာ ဝက်ခြံလိုဖုလေးတွေ ပေါက်တတ်ပါတယ်။ ညှစ်လိုက်ရင် အဆံလေးထွက်သွားတာ ဝက်ခြံတစ်မျိုးပါပဲ။ ဒီလိုပေါက်တတ်တဲ့သူတွေအတွက် တင်ပါးမှာ ဝက်ခြံပေါက်ရတဲ့ အကြောင်းအရင်းနဲ့ ပျောက်အောင်ကုသနိုင်မယ့် နည်းလမ်းတွေကို မျှဝေပေးလိုက်ပါတယ်။

အများဆုံးဖြစ်လေ့ရှိတဲ့ တင်ပါးမှာဝက်ခြံပေါက်ရတဲ့ အကြောင်းအရင်းတွေကတော့

ချွေးအရမ်းထွက်ခြင်း

တင်ပါးက ချွေးအရမ်းထွက်ရင်လည်း ဝက်ခြံပေါက်လေ့ရှိပါတယ်။ အရမ်းပူတဲ့အချိန်တွေ အပြင်သွားတဲ့အခါ၊ ပူတဲ့အချိန်မှာ အရမ်းကြပ်တဲ့ အဝတ်အစားတွေကို ဝတ်တဲ့အခါမှာ တင်ပါးနဲ့ပေါင်က ချွေးထွက်တာမျိုးတွေ ဖြစ်တတ်ပါတယ်။

Shower Gel ပြောင်းသုံးခြင်း

ကိုယ်သုံးနေကျ Shower Gel ကနေ တခြား Shower Gel ကို ရုတ်တရက်ပြောင်းသုံးလိုက်တဲ့အခါမှာ အခန့်မသင့်ရင်၊ မတည့်ရင်လည်း တင်ပါးမှာ ဝက်ခြံပေါက်တာမျိုး ဖြစ်တတ်ပါတယ်။ ဒါ့အပြင် ဆပ်ပြာတွေသုံးပြီး မပြောင်ရင်လည်း ဝက်ခြံပေါက်တတ်ပါတယ်။

တင်ပါးမှာဝက်ခြံပေါက်တာကို ပျောက်အောင်ကုသနိုင်မယ့်နည်းလမ်း

Exofoliate, Scrub လုပ်ပါ

တင်ပါးမှာ ဝက်ခြံပေါက်နေရင် တင်ပါးကိုလည်း Exfoliate (သို့) Scrub လုပ်ပေးပါ။ ဒီလိုလုပ်ပေးခြင်းက ဆဲလ်သေတွေကွာကျစေပြီး အသားအရေကို နူးညံ့ချောမွေ့စေပါတယ်။ ဝက်ခြံလည်း သက်သာစေပါတယ်။

Lotion လိမ်းပါ

Exfoliate, Scrub လုပ်ပြီးရင် အသားအရေစိုပြည်စေဖို့အတွက် Lotion ပြန်လိမ်းပေးပါ။ ဒီလို Lotion လိမ်းပေးခြင်းက ဝက်ခြံကြောင့် နီမြန်းတာတွေကိုလည်း သက်သာစေပါတယ်။

Spot Treatment

တင်ပါးမှာဝက်ခြံပေါက်တာက များနေရင် ဝက်ခြံသက်သာစေတဲ့ Spot Treatment ဆေးလေးတွေလိမ်းပေးပါ။ sulphur-based cream လိမ်းပေးတာမျိုးလည်း ရပါတယ်။ ဝက်ခြံက မများရင်တော့ အပေါ်ကနှစ်မျိုးကိုလုပ်ပေးရုံနဲ့ ရပါတယ်။

source:www.timesofindia.indiatimes.com