ရှားစောင်းလတ်ပတ်က ပျိုမေတို့အတွက် အလှအပ အဖော်မွန်ကောင်းပါပဲ။ ရှားစောင်းလတ်ပတ်ကို ဖျော်ရည် ဖျော်သောက်နိုင်သလို မျက်နှာ၊ ဆံကေသာ၊ အသားအရေ အတွက်ပါ အသုံးပြုနိုင်ပါတယ်။ ရှားစောင်းလတ်ပတ်ရဲ့ အဓိက တာဝန်ကတော့ အသားအရေအတွက် လိုအပ်တဲ့ အစိုဓာတ်ကို ဖြည့်ပေးတာပါ။ ရှားစောင်းလတ်ပတ် သုံးပြီး နောက်နေ့မှာပဲ အသားအရေ ပိုကောင်းလာတာကို သုံးဖူးသူ ပျိုမေတိုင်း ကြုံဖူးမှာပါ။ ဒီတော့ ရှားစောင်းလတ်ပတ်နဲ့ ပေါင်းတင်နည်းလမ်းကို ကြည့်လိုက်ရအောင်နော်-

ဒီနည်းလမ်းအတွက် လိုအပ်တဲ့ ပစ္စည်းတွေကတော့-

၁။ ရှားစောင်းလတ်ပတ်ဂျယ် သုံးဇွန်း

ရှားစောင်းလတ်ပတ်က အေးမြခြင်း အာနိသင်ကို ပေးစွမ်းနိုင်ပြီး အယောင်အယမ်း ကျစေပါတယ်။ Collagen ထုတ်လုပ်မှုကို ပံ့ပိုးပေးပါတယ်။ အမာရွတ်တွေကို သက်သာစေပြီး အသားအရေ ချောမွေ့စေပါတယ်။

၂။ သကြားအညို တစ်ဇွန်း

သကြားအညိုက ဆဲလ်သေတွေကို ကွာကျစေပါတယ်။ အသားအရေကို ချောမွေ့စေပြီး ငယ်ရွယ်တဲ့ မျက်နှာ ပုံစံကို ပိုင်ဆိုင်စေပါတယ်။ ကျန်းမာတဲ့ အသားအရေကို ပိုင်ဆိုင်စေမှာပါ။

၃။ Almond Milk တစ်ဇွန်း

ဗာဒံစေ့ နို့ တစ်ဇွန်းကို သကြားညိုနဲ့ ရှားစောင်းလတ်ပတ်ထည့်ထားတဲ့ ခွက်ထဲကို လောင်းထည့်ပေးရပါမယ်။ Almond Milk က အရေးအကြောင်းတွေကို လျော့ပါးစေပြီး အစက်အပြောက်တွေကို သက်သာစေပါတယ်။ ဒါကြောင့် ကြည်လင်ရှင်းသန့်တဲ့ အသားအရေကို ပိုင်ဆိုင်ဖို့ ကူညီပေးပါတယ်။

ဒီပစ္စည်း သုံးမျိုးကို ရောပြီးနောက် မျက်နှာပေါ် လိမ်းပေးရပါမယ်။

၁၅ မိနစ် ထားပြီးနောက် ရေအေးအေးနဲ့ ဆေးချရပါမယ်။ ဒီနည်းလမ်းကို ထိရောက်မှု ရှိဖို့ တစ်ပတ်မှာ နှစ်ကြိမ်ပြုလုပ်နိုင်ပါတယ်။

Photo Source: Pinterest

By MyStyle Myanmar