ရှုခင်းလှလှလေးနဲ့အတူ ကဗျာဆန်ဆန် ဓာတ်ပုံလေးရဖို့ ပို့စ်ပေးနည်းများ

ရှုခင်းလေးက လှလိုက်တာလို့ပြောတဲ့အချိန် “မင်းက ပိုလှတယ်” လို့ Pick Up Lines တွေ သင် ကြားခဲ့ဖူးလား။ ဒါမှမဟုတ် တစ်ယောက်ယောက်ဆီမှာ အပြောခံရဖူးလား။ တကယ်ပဲ သင်ကိုယ်တိုင်က နောက်ခံ ရှုခင်းထက် ပိုလှနိုင်ပါတယ်။

ဓာတ်ပုံတစ်ပုံကို လှစေမယ့် အရာတွေထဲမှာ သင့်စတိုင်၊ အလှနဲ့အတူ နောက်ခံရှုခင်းက မဖြစ်မနေ အရေးကြီးစွာ ပါဝင်နေပါတယ်။ ဒီတစ်ခေါက်မှာတော့ နောက်ခံ ရှုခင်းလှလှနဲ့အတူ သိမ်သိမ်မွေ့မွေ့ ကဗျာဆန်ဆန် ဖြစ်နေစေမယ့် မိန်းကလေးဆန်ဆန် ပို့စ်ပေးနည်းတွေကို ဖော်ပြလိုက်ပါတယ်။

၁။ ရှုခင်းကို ကြည့်ရင်း လက်ညိုးထိုးပြနေတဲ့ ပုံစံက ကြည့်ရှုသူကိုပါ သဘာဝ ရှုခင်းတွေကို ခံစားဖို့ သတိပေးနေသလိုပါပဲ။ ဒါ့အပြင် ဒီမိန်းကလေးက ဘယ်သူလဲဆိုပြီးပါ သိချင်စိတ် ဖြစ်စေပါလိမ့်မယ်။

၂။ ငြိမ်းချမ်းစွာ လမ်းလျှောက်နေတဲ့ ပုံစံလေးက သင့်ကို Peaceful Lady အဖြစ် မြင်ရစေပါတယ်။ နောက်ကနေ ဓာတ်ပုံရိုက်ခိုင်းပြီး သင်က လမ်းလျှောက်ရင်း ဆံပင်ကိုင်တော့မယ့် ပုံစံလေး လုပ်နိုင်ပါတယ်။