ခန္ဓာကိုယ် အချိုးအစားအလိုက် တစ်ယောက်နဲ့ တစ်ယောက် ခါးသေးသွားတဲ့ပုံစံ၊ ခါးအဆီကျတဲ့ ပုံစံတူမှာမဟုတ်ပါဘူး။ သင်က အမြန် ခါးအဆီ ကျနိုင်သလို တချို့သူတွေကျတော့ ခါးအဆီ အမြဲရှိနေသူတွေလည်း ရှိပါတယ်။ အစားအသောက်ပုံစံနဲ့ လေ့ကျင့်ခန်း ပုံစံကို ကျွမ်းကျင်သူတွေနဲ့ သေချာတိုင်ပင်ပြီး လုပ်နိုင်မှ အထိရောက်ဆုံးဖြစ်မှာပါ။ သင်က ကျွမ်းကျင်သူတွေနဲ့ မတိုင်ပင်ဖြစ်သေးရင်တော့ လက်ရှိအချိန် လုပ်နိုင်တဲ့ ထိရောက်တဲ့ လေ့ကျင့်ခန်းတွေကို လိုက်လုပ်ကြည့်သင့်ပါတယ်။
ဒီလိုလုပ်တဲ့နေရာမှာလည်း ပုံမှန်လေး လုပ်သွားမှ ထိရောက်မှာပါ။ ဒီတော့ ခါးအဆီကျဖို့ ကြိုးစားနေသူတွေအတွက် ထိရောက်တဲ့လေ့ကျင့်ခန်းတွေကို ဖော်ပြလိုက်ပါတယ်။
၁။ အိပ်ထမတင်
Photo Source: Pinterest
ခါးအဆီ ထိထိရောက်ရောက်ကျဖို့ အိပ်ထမတင် လေ့ကျင့်ခန်းကလည်း ကူညီပေးပါတယ်။ ဒီလေ့ကျင့်ခန်းကို စက္ကန့် ၃၀ လုပ်ပေးသင့်ပါတယ်။
၂။ Bicycles
Photo Source: We-Heart-it
ခါးအောက်ပိုင်း အဆီအတွက် ထိရောက်တဲ့ Bicycles လေ့ကျင့်ခန်းကို စက္ကန့် ၃၀ လုပ်ပေးရပါမယ်။ ခေါင်းကို လက်နှစ်ဖက်နဲ့ မ ထားပြီး ရင်ဘတ်ကို အပေါ်မျက်နှာကျက်စီ ကြည့်ထားကာ ဘယ်ညာ တစ်လှည့်စီ ဒူးနဲ့ တံတောင်ထိအောင် လုပ်ပေးရပါမယ်။
၃။ Right/ Left Side Crunch
Photo Source: Spotebi
ခန္ဓာကိုယ်ကို စောင်းကာ ဘယ်ဒူးကို ကွေးပြီး ညာ ပေါင်ပေါ် ကျော်ပြီး တင်ထားရပါမယ်။ ပြီးရင်တော့ အိပ်ထမတင် လုပ်ပေးရပါမယ်။ ဒီလေ့ကျင့်ခန်းက ခါးဘေး အဆီကို ထိထိရောက်ရောက် ကျစေနိုင်ပါတယ်။ ဘယ်ညာ တစ်လှည့်စီကို စက္ကန့် ၃၀ ကြာ လုပ်ပေးရပါမယ်။
၄။ Plank
Photo Source: Spotebi
တစ်ကိုယ်လုံးစာ အဆီကျစေနိုင်တဲ့ Plank ထောက်တာကို ၁ မိနစ် လုပ်ပေးရပါမယ်။
၅။ Side To Side Plank
Photo Source: Giphy
တံတောင်အားပြုကာ Plank ထောက်ထားပြီး ဒီအနေအထားကနေ ခန္ဓာကိုယ်ကို ဘယ်ညာ ကွေးပေးရပါမယ်။ သင့် ဗိုက်ကြွက်သားကို အားပြုဖို့လည်း မမေ့သင့်ပါဘူး။ ဒီ Side to Side Plank ကီု စက္ကန့် ၃၀ လုပ်ပေးရပါမယ်။
ဒီလေ့ကျင့်ခန်းတွေကို ထိရောက်စေဖို့ တစ်ရက်မှာ နှစ်ကြိမ်ဆီ လုပ်ပေးသင့်ပါတယ်။
By MyStyle Myanmar
