ဘယ်နေရာမှာမဆို အလွယ်တကူရရှိနိုင်တဲ့ သကြားနဲ့ ဘာတွေလုပ်လို့ရမလဲ။ နည်းလမ်းလေးတွေ အများကြီးရှိပါတယ်။ ပထမဦးဆုံး အမဲစက်တွေ လျှော့စေဖို့ နဲ့ အဖုအပိန့်တွေကင်းစင်စေတဲ့ မျက်နှာလေးရရှိအောင် လုပ်တဲ့နည်းကိုပြောပြပါမယ်။ သကြားတဇွန်းနဲ့ သံပရိုရည်တဇွန်းကို ရောသမွအောင်မွှေပြီး မျက်နှာအနှံ့လိမ်းပါ။ ၅မိနစ်ကျော်ရင် ရေအေးအေးလေးနဲ့ ဆေးချလိုက်ပါ။
ပုံမှန်သာလုပ်သွားမယ်ဆိုရင် အမဲစက်တွေလျှော့ပြီး အဖုအပိန့်တွေ ထွက်ခြင်းကို ကာကွယ်ပေးသွားမှာဖြစ်ပါတယ်။
အလုပ်ရှုပ်မခံနိုင်ဘူးဆိုတဲ့သူတွေကလည်း သကြားကို သံပုရာသီးခြမ်းထဲနှစ်လိုက်ပြီး မျက်နှာတပြင်လုံးကို ပွတ်ပေးလို့ရပါတယ်။
နောက်ထပ်နည်းတခုကတော့ အိုမင်းရင့်ရော်မှုတွေကို ကာကွယ်နိုင်တဲ့ နည်းလမ်းလေးပါ။ သကြား ၊ ရှားစောင်းလက်ပတ် နဲ့ နို့ရည်တွေတော့ လိုအပ်ပါလိမ့်မယ်။ အပင်က ရှားစောင်းလတ်ပတ်ကို အသုံးပြုနိုင်သလို အလှကုန်ဆိုင်တွေမှာ ဝယ်ယူလို့ရတဲ့ ရှားစောင်းလက်ပက်အနှစ်နဲ့လည်း အသုံးပြုလို့ရပါတယ်။ သကြား တဇွန်း၊ ရှားစောင်းလက်ပတ် ၁ ဇွန်း နဲ့ နို့ရည် တဇွန်း တို့ကို ရောသမမွှေပြီး မျက်နှာအနှံ့လိမ်းပြီး ၁၄ မိနစ်ကြာရင် ရေဆေးချလိုက်လို့ရပါပြီ။ ဒီနည်းလမ်းလေးဟာ အိုမင်းရင့်ရော်မှုကို ကာကွယ်လို့ရပါတယ်။
နေလောင်ဒဏ်တွေကြောင့် ညိုမည်းသွားတဲ့ အသားအရည်တွေအတွက်ကတော့ သကြား ၊ ခရမ်းချဉ်သီး နဲ့ ကုလားပဲမှုန့်တွေ လိုပါမယ်။ ပါဝင်ပစ္စည်းတွေကို ဆတူရောမွှေပြီး မျက်နှာအနှံ့လိမ်းထားပြီး ၁၄ မိနစ်နေရင်တော့ ရေအေးအေးလေးနဲ့ ဆေးချလိုက်ပါ။ အမြဲတမ်းပြုလုပ်မယ်ဆိုရင် ကြည်လင်တဲ့ အသားအရည်ကို ပိုင်ဆိုင်သွားမှာပါ။
ခြောက်သွေ့တဲ့ နှုတ်ခမ်းလေးကနေ ပန်းသွေးရောင်နှုတ်ခမ်းလေးဖြစ်စေဖို့အတွက်ကတော့ သကြားတဇွန်း သံလွင်ဆီ တဇွန်း နဲ့ သံပရိုရည်တဇွန်း ကို ရောသမမွှေလိုက်ပါ။ နောက် နှုတ်ခမ်းမှာလိမ်းထားလိုက်ပါ။ ၅မိနစ်လောက်နေရင် ရေနဲ့ ဆေးချလိုက်လို့ရပါပြီ။ ဒီလိုမျိုး ၁၄ ရက်ကြာ နေ့စဉ် ပြုလုပ်သွားမယ်ဆိုရင် ပန်းနုရောင်သမ်းနေတဲ့ နှုတ်ခမ်းလေးတစုံကို ရရှိမှာ အသေအချာပါပဲ။
သကြားနဲ့ လှတစ်မျက်နှာဖြစ်အောင် လုပ်လို့ရပါတယ်။ တခြားနည်းလမ်းတွေလည်း အများကြီးရှိပါသေးတယ်။ ကဲ…အနားမှာရှိတဲ့ သကြားကို အသုံးပြုပြီးတော့ လှပဝင်းမွတ်တဲ့ မျက်နှာလေးဖြစ်အောင် အခုပဲလုပ်လိုက်ကြရအောင်နော်။
