ပေါင်ဒါမှုန့်နဲ့လက်သည်းနီအကြည်ကိုသုံးပြီး လှပတဲ့လက်သည်းနီအရောင်ရအောင်ဆိုးနည်း

ပေါင်ဒါမှုန့်နဲ့ လက်သည်းနီဆိုးတယ်ဆိုတော့ နည်းနည်းတော့ထူးဆန်းနေမှာပါ။ ကိုယ့်မှာ အရောင်နဲ့လက်သည်းနီ မရှိတဲ့အခါမျိုးမှာဆိုရင် အလက်လက်လေးတွေပါတဲ့ ပေါင်ဒါမှုန့်မျိုးနဲ့ လက်သည်နီအကြည်သာရှိရင် ရပါတယ်။ ဒါဆိုရင် ပေါင်ဒါမှုန့်နဲ့လက်သည်းနီအကြည်ကိုသုံးပြီး လှပတဲ့လက်သည်းနီအရောင်ရအောင် ဘယ်လိုဆိုးရမလဲဆိုတာကို လေ့လာကြည့်လိုက်ရအောင်။

အရင်ဆုံး Base Coat လက်သည်းနီအကြည်လေးကို အရင်ဆိုးလိုက်ပါ။

အလက်လက်လေးတွေပါတဲ့ ပေါင်ဒါထဲကို လက်သည်းနှစ်လိုက်ပါ။ ပြီးရင် နည်းနည်းလေးခါချလိုက်ပါ။

ပြီးမှ Brush လေးနဲ့ ထပ်ခါချပါ။

အပေါ်ကနေ လက်သည်းနီအကြည် Base Coat လေးထပ်ဆိုးပြီး ပေါင်ဒါထဲကို ထပ်နှစ်ပါ။

လက်သည်းနီအကြည် Base Coat ကို ထပ်ဆိုးပေးပါ။

တံစဉ်းနဲ့လက်သည်းကို တိုက်ပေးပါ။ ဒါမှ အထစ်အထစ်တွေ ဖြစ်မနေမှာပါ။

လက်သည်းနီအကြည် Base Coat ထပ်ဆိုးပါ။

နောက်ဆုံးမှာတော့ အပေါ်ကနေ Top Coat လက်သည်းနီအကြည်ကို ၂ ထပ်လောက် ဆိုးပေးလိုက်ပါ။

ဒါဆိုရင်တော့ လှပတဲ့ လက်သည်းနီလေးကို ဆိုးပြီးသွားပါပြီ။

Source: www.cutepolish