Brush တစ်ချောင်းကို သုံးပြီး လွယ်လွယ်ကူကူ လက်သည်းနီဆန်းဆန်း ဆိုးရအောင်

လက်သည်းနီ ခပ်လန်းလန်းလေးဆိုးဖို့ လက်သည်းဆိုးဆိုင် သွားစရာမလိုတော့ပါဘူး။ ကိုယ့်အိမ်မှာပဲ လုပ်လို့ရအောင် စာဖတ်သူတို့အတွက် မျှဝေပေးချင်ပါတယ်။

လိုအပ်တဲ့ပစ္စည်း

လက်သည်းနီ အရောင် ၃ ရောင်

အကြည်တစ်ရောင်

Fan Brush တစ်ချောင်း

ပြုလုပ်နည်း

အရင်ဦးဆုံး လက်သည်းနီ အကြည် အရောင်ကို ဆိုးပါ။ပြီးရင် အောက်ခံ ကိုယ်ဘာအရောင်ဆိုးမလဲဆိုတာကို ရွေးပြီး ဆိုးပေးပါ။

ပြီးရင် Fan Brush ကိုသုံးရမှာဖြစ်ပါတယ်။ အရောင်ပါတဲ့ လက်သည်းနီ ၃ ရောင်ကို တစ်စက်ဆီ ချလိုက်ပါ။ ပြီးရင် Brush နားမှာ ၃ ရောင်မထိအောင် တို့ပေးပါ။

ပြီးရင် စောစောက အောက်ခံဆိုးထားတဲ့ လက်သည်းနီမှာ တစ်ရောင်ချင်းဆီကို Brush နဲ့ ဆိုးပေးပါ။ အခုလို အချောင်းအခြစ်လေးတွေ ဖြစ်သွားတာ တွေ့ရမှာဖြစ်ပါတယ်။ လက်ချောင်းနားမှာ မထင်အောင်ဆိုးပါ။ တကယ်လို့ ထင်သွားရင်လည်း လက်သည်းဖျက်ဆေးနဲ့ ပြန်ဖျက်လို့ရပါတယ်။