မာနကြီးလွန်းတာက ပေါင်းသင်းဆက်ဆံရေးတွေမှာ အဆင်မပြေစေတဲ့ အကာအဆီးတစ်ခု ဖြစ်ပါတယ်။ သင်က အကြောင်းအမျိုးမျိုးကြောင့် Boundary တစ်ခုအနေနဲ့ မာနကြီးနေနိုင်ပါတယ်။ နဂိုဗီဇကိုက မာနကြီးတဲ့ Type ဖြစ်နေတာလည်း ဖြစ်နိုင်ပါတယ်။ ဒါပေမဲ့ မာနကြီးတာက တကယ်တော့ ဘာမှလုပ်လို့မရပါဘူး။ ဒီတော့ မာနကြီးတတ်တဲ့ ကောင်မလေးတွေ ကြုံတတ်တဲ့ အရာတွေနဲ့ ဘယ်လိုပိုကောင်းအောင် လုပ်နိုင်မလဲ ကြည့်လိုက်ရအောင်နော်-

၁။ ကိုယ့်ကိုယ်ကိုယ် နာကျင်အောင် မလုပ်မိပါစေနဲ့

Photo Source: Third Hour

မာနကြီးတဲ့ မိန်းကလေးတွေက အလွယ်တကူ စိတ်အနှောင့်အယှက် ဖြစ်တတ်ပါတယ်။ စိတ်ညစ်တတ်ပါတယ်။ တခြားသူတွေရဲ့ လုပ်ရပ်အပြုအမူတွေက သင်စိတ်ညစ်ရတဲ့ အကြောင်းအရင်း မဖြစ်သင့်ပါဘူး။ ဒါတွေနဲ့ စိတ်ညစ်နေမယ်ဆိုရင် သင်က မာနကြီးပေမယ့် အားနည်းသူ တစ်ယောက် ဖြစ်နေပါလိမ့်မယ်။

၂။ သင့်ဂုဏ်သတင်း၊ သင့်အောင်မြင်မှုက သင်မဟုတ်ပါဘူး

Photo Source: Entrepreneur

အောင်မြင်မှုက ဘဝမှာ မဖြစ်မနေ လိုအပ်ပါတယ်။ ဒါပေမဲ့ ဒီအရာအတွက် ကျေးဇူးတင်ရုံပဲ တင်သင့်ပါတယ်။ သင်အောင်မြင်တဲ့ ကိစ္စ ၊ သင့်ဂုဏ်သတင်းကို ကြွားဝါချင်စိတ် နည်းလေလေ သင့်စိတ်ပိုချမ်းသာလေပါပဲ။

၃။ ဘယ်အချိန်ရပ်ရမလဲ သိပါ

Photo Source: Luxurylaunches

သင့်ဂုဏ်တက်အောင်လို့ ဈေးများလွန်းတဲ့ ပစ္စည်းတွေကို ဝယ်သင့်ပေမယ့် ဘယ်အချိန် ရပ်ရမလဲ သိသင့်ပါတယ်။ ပိုလိုချင်လေ ပိုပင်ပန်းလေပါပဲ။ ဒါကြောင့် ဘယ်အချိန်မှာ ရပ်ရမလဲ သိထားသင့်ပါတယ်။

၄။ တခြားသူထက် သာရမယ်ဆိုတဲ့ စိတ်ကို လျှော့ပါ

Photo Source: Web24 News

အောင်မြင်တဲ့ ခေါင်းဆောင်တစ်ယောက်ဆိုတာ တခြားသူထက် ပိုကောင်းရမယ်ဆိုပြီး မဟုတ်ပါဘူး။ ကိုယ့်အရင်ပုံစံထက် အခု ပိုကောင်းရမယ်ဆိုတဲ့ အချက်ကိုပဲ အာရုံစိုက်ထားသင့်ပါတယ်။ ကိုယ့် အောင်မြင်မှုအတွက်ပဲ အာရုံစိုက်ထားသင့်ပါတယ်။

၅။ သင်က တစ်ချိန်လုံး မမှန်နေနိုင်ပါဘူး

Photo Source: The Good Men Project

မာနကြီးသူ အများစုက သူတို့ပဲ မှန်တယ်လို့ ထင်နေတတ်ပါတယ်။ ဒါပေမဲ့ သင်ကိုယ်တိုင်လည်း မှားနေနိုင်တယ်ဆိုပြီး စိတ်ထဲ မှတ်ထားမယ်ဆိုရင် အရင်ထက် သင့်စိတ်စွမ်းအင်က ပိုကြီးမားလာပါလိမ့်မယ်။

By MyStyle Myanmar